દેવભૂમિ દ્વારકા જિલ્લામાં ઓડિયો વાયરલ ગાળો ભણતા પીએસઆઈ સહિત આઠ પોલીસ સબ ઈન્સ.ની સામૂહિક બદલી.
દેવભૂમિ દ્વારકાના ખંભાળિયા નજીક એક પોલીસ સ્ટેશનના પી.એસ.આઈ એ પી.એસ.ઓ સાથે ટેલિફોનિક વાતચીતમાં પરેડમાં ગયેલ જમાદારને પરત ફરવા બાબતે ફોન ઉપર ગાળો કાઢતા અને વાતચીતનું રેકોર્ડિંગ આ અંગેનો અહેવાલ દેશ દેવી ન્યુઝ તારીખ 10 ના રોજ પ્રસિદ્ધ થયા બાદ દ્વારકા પોલીસ અધિક્ષકે તાત્કાલિક અસરથી ગાળો ભાંડનાર PSl સહિત આઠ ની આંતરિક બદલી કરતા પોલીસ બેડામાં ચકચાર.
દેશ દેવી ન્યુઝ નેટવર્ક ખંભાળિયા :
દેવભૂમિ દ્વારકા જિલ્લાના જુદા-જુદા તાલુકાઓમાં ફરજ બજાવતા આઠ પોલીસ સબ ઇન્સ્પેક્ટરની સામુહિક બદલીઓના ઓર્ડર ગઈકાલે સોમવારે થયા છે.
દેવભૂમિ દ્વારકા જિલ્લા પોલીસ વડા સુનિલ જોશીએ સોમવારે જારી કરેલા આ સામુહિક ઓર્ડરમાં ખંભાળિયાના પોલીસ મથકમાં ફરજ બજાવતા એમ.ડી. મકવાણાની બદલી ઓખા મરીન પોલીસ સ્ટેશનમાં, ઓખાના આર.એમ. મુંધવાને ખંભાળિયા પોલીસ સ્ટેશનમાં, ભાણવડના જે.જી. સોલંકીને અહીંની રીડર શાખામાં, વાડીનાર મરીનના એ.આઇ. ચૌધરીને દ્વારકા, ભાટિયા આઉટ પોસ્ટના એન.એચ. જોશીને ભાણવડ, અહીંના મહિલા પોલીસ મથકના કે.એન. ઠાકરીયાને વાડીનાર મરીન, દ્વારકાના આર.એન. નોયડાને ભાણવડ તથા સલાયા મરીન પોલીસ મથકના પી.ડી. વાંદાને ભાટીયા આઉટ પોસ્ટ પોલીસ મથકમાં મુકવામાં આવ્યા છે.
