જામનગર નજીક દરેડ ગામે રહેતા એક ચારણ યુવાનને પ્રેમ લગ્ન કરવા ભારે પડ્યા
-
પ્રેમિકાના બે ભાઈઓ દ્વારા પ્રેમી યુવાન અને તેના બે ભાઈઓ પર હિચકારો હુમલો: ત્રણેયના હાથ પગ અને માથું ફુટ્યું
-
સામા પક્ષે વળતી ફરિયાદ નોંધાતા પોલીસે ડાયાભાઈ આલાભાઇ ગુજરીયા, ગોવિંદ આલાભાઇ ગુજરીયા અને આલાભાઇ ગુજરીયા ગુનો નોંધી વધુ તપાસ હાથ ધરી છે
દેશ દેવી ન્યૂઝ જામનગર તા ૧૦ ઓક્ટોબર ૨૪ જામનગર નજીક દરેડ વિસ્તારમાં રહેતા અને માલધારીનો વ્યવસાય કરતા એક યુવાનને પ્રેમ લગ્ન કરવા ભારે પડ્યા છે. પ્રેમિકાના બે ભાઈઓએ ઉસકેરાઇ જઇ પ્રેમી યુવાન તથા તેના બે ભાઈઓ પર ધારદાર હથીયાર વડે હુમલો કરી દઇ હાથ પગ માં ફ્રેકચર સહિતની ઈજા થઈ છે, તેમજ માથા કૂટ્યા છે, અને ટાંકા લેવા પડ્યા છે. જે મામલે પોલીસ ફરિયાદ નોંધાવાઈ છે જયારે દરેડના કુટુંબી ભાઈઓ વચ્ચેના પ્રેમ લગ્ન બાદ ઝઘડા ના કીસ્સામાં સામા પક્ષે મેઘરાજ જેઠાભાઇ હાજાણીએ પોતાના ઉપર તેમજ પોતાના ભાઈ પર હુમલો કરી માથું ફોડી નાખવા અંગે સામા પક્ષના ડાયાભાઈ આલાભાઇ ગુજરીયા, ગોવિંદ આલાભાઇ ગુજરીયા અને આલાભાઇ ગુજરીયા સામે વળતી ફરિયાદ નોંધાવી છે.
આ બનાવની વિગત એવી છે કે જામનગર નજીક દરેડ માં રહેતા અને માલધારી નો વ્યવસાય કરતા ડાયાભાઈ આલાભાઇ ગુજરીયા નામના ૨૪ વર્ષના ચારણ યુવાને પોતાના ઉપર તેમજ પોતાના બે ભાઈઓ રણછોડભાઈ તેમજ ગોવિંદભાઈ પર હુમલો કરી ગંભીર ઇજા પહોંચાડવા અંગે પોતાની પ્રેમિકાના ભાઈઓ દરેડ માં રહેતા આલાભાઇ જેઠાભાઇ હાજાણી તેમજ મેઘરાજ જેઠાભાઇ હાજાણી સામે પંચકોશી બી. ડિવિઝન પોલીસમાં ફરિયાદ નોંધાવી છે.
પોલીસ ફરિયાદમાં જાહેર કરાયા અનુસાર આજથી ત્રણ વર્ષ પહેલાં ફરિયાદી યુવાને આરોપી આલાભાઈ ની બહેન સાથે પ્રેમ લગ્ન કર્યા હતા, જે બાબતે બંને પરિવારો વચ્ચે અગાઉ સમાધાન થયું હતું, જેઓ એકબીજાના દૂરના કુટુંબીઓ પણ થાય છે.પરંતુ ત્યારબાદ ફરીથી વાંધો રાખીને સૌપ્રથમ રણછોડભાઈ પર લોખંડના પાઇપ લાકડી વડે હુમલો કરી માથું ફોડી નાખતાં તેને સાત ટાંકા લેવા પડ્યા છે. ઉપરાંત હાથ પગમાં ફ્રેક્ચર થયા છે.
ત્યારબાદ આ બનાવની જાણ થવાથી ફરિયાદી ડાયાભાઈ અને તેના ભાઈ ગોવિંદભાઈ કે જેઓ બંને આરોપીઓને રસ્તામાં ભેગા થઈ જતા તે બંનેને પણ માર મારી ઈજા પહોંચાડી હોવાથી ફરિયાદી ને પગમાં ટાંકા લેવા પડ્યા છે, જ્યારે ગોવિંદભાઈ ને માથામાં ૧૦ ટાંકા લેવા પડ્યા છે. જે મામલે પંચકોશી બી. ડિવિઝન પોલીસ તપાસ ચલાવે છે.
