જામનગરના સ્વામિનારાયણનગર વિસ્તારમાં રહેણાંક મકાનમાં ચલાતા જુગારની મીની ક્લબ પર ત્રાટકતી એલસીબી: 6ની ધરપકડ
દેશ દેવી ન્યુઝ 27.જામનગર: જામનગર શહેરના સ્વામિનારાયણ નગર વિસ્તારમાં આવેલા રહેણાંક મકાનમાં ચાલતા તીનપતિના જૂગાર સ્થળે એલસીબીની ટીમે રેઈડ દરમિયાન છ શખ્સોને રૂા.31070ની રોકડ અને છ મોબાઇલ સહિત રૂા.66 હજારના મુદદ્દામાલ સાથે ઝડપી લઇ આગળની કાર્યવાહી હાથ ધરી હતી.
જામનગર શહેરના સ્વામિનારાયણ નગર વિસ્તારમાં રહેતા પરેશ નરશી રાઠોડ નામનો શખ્સ તેના ઘરે જૂગારનો અખાડો ચલાવતો હોવાની એલસીબીના ધાના મોરી, વનરાજ મકવાણાને મળેલી બાતમીના આધારે ઈન્ચાર્જ પોલીસવડા નિતેશ પાંડેયની સૂચનાથી પીઆઇ એસ. એસ. નિનામા તથા સ્ટાફ દ્વારા રેઈડ દરમિયાન પરેશ નરશી રાઠોડ, વાલજી પેથા વઘોરા, યુનુસ ઉમર દરજાદા, સલીમ અલારખા ખીરા, હરેશ જયસુખ ત્રિવેદી અને સુનિલ મનુ ગોહિલ નામના છ શખ્સોને રૂા.31070 ની રોકડ રકમ અને રૂા.30,500 ની કિંમતના છ નંગ મોબાઇલ તથા ગંજીપના સહિત કુલ રૂા.66 હજારના મુદ્દામાલ સાથે ઝડપી આગળની કાર્યવાહી હાથ ધરી હતી.
