જામનગર માં કચરાના સ્થાને કેરળ ભરનાર એજન્સીની છેલ્લા બે મહિનાની તમામ ટ્રીપો કેન્સલ કરતું જામ્યુકો

જામનગરમાં કચરાની ગાડીમાં કચરાના સ્થાને કેરણ ભરીને લઈ જવાની પ્રવૃત્તિનો વિડીયો વાયરલ થયો 

• જવાબદાર એજન્સી ની છેલ્લા બે મહિનાની તમામ ટીપ્રો કેન્સલ કરતું તંત્ર

દેશ દેવી ન્યૂઝ જામનગર તા ૨૪ ફેબ્રુઆરી ૨૫, જામનગરમાં કચરા ગાડીમાં કચરો ભરીને લઈ જવાને બદલે કચરા ગાડીમાં બાંધકામનો કાટમાળ ભરીને લઈ જઈને વાહનોના વજન મુજબ કરવામાં આવતા ફેરાના બીલનું કૌભાંડ ચાલતું હોવાના આક્ષેપોને પ્રમાણ મળતું હોય તેવો કચરા ગાડીમાં કેરણ ભરાતું હોવાનું વાયરલ થયેલા વીડીયોમાં જોવામાં આવતા બાદ જામ્યુકો દ્વારા એજન્સી દ્વારા છેલ્લા બે મહિનામાં જેટલી ટ્રિપો કરેલી હોય તે તમામ ટ્રીપો કેન્સલ કરી નાખી હતીજામનગર મહાનગરપાલિકાની શરતો મુજબ જામનગરમાંથી કચરો ઉપાડીને વાહનો દ્વારા ગાંધીનગર પાછળ આવેલા કચરો બાળીને વીજળી બનાવવાના વેસ્ટ ટુ એનર્જી પ્લાન્ટ ઉપર મોકલવાનો રહે છે. પરંતુ કોન્ટ્રાક્ટરના માણસો દ્વારા સંખ્યાબંધ સ્થળોએથી વાહનોમાં લોકોના ઘરો, દુકાનો, ઓફીસીના કચરાને બદલે બાંધકામના કચરા અને કંઈ ન મળે તો ગાડી ઉભી રાખીને માર્ગો ઉપર પડેલા મોટા-મોટા પથરા, માટીના ઢગલા ઉસેડીને ગાડીમાં નાંખીને સરકારની તીજોરીને નુકશાન પહોંચાડવા જેવી – કામગીરી કરવામાં આવતી હોવાની કરિયાદો ઉઠી હતીઆવી ફરિયાદોને અનુમોદાન મળે તેવી ઘટનામાં રામેશ્વરનગર પાછળ કચરા ગાડીમાં બાંધકામનું કેરણ ઉપાડવામાં આવતું હોવાનું જોઈને તે વિસ્તારના જાગૃત નાગરિકે વીડીયો બનાવી સોશ્યલ મીડીયામાં અપલોડ કર્યો છે. આ ઉપરાંત નાગરિક દ્વારા સીએમ પોર્ટલ અને કમિશનરને પણ ફોટા વીડીયો મોકલીને ફરિયાદ કરવાની તજવીજ હાથ ધરવામાં આવી છે. જે મહાનગર પાલિકાના તંત્ર દ્વારા આવી પ્રવૃત્તિને અટકાવવા માટે જવાબદારો એજન્સી સામે કડક કાર્યવાહી હાથ ધરી એજન્સી દ્વારા છેલ્લા બે મહિનામાં જેટલી પણ રિપોર્ટ કરવામાં આવી હોય તે તમામ ટ્રીપો રદ કરી નાખતા ભારે ફફડાટ ફેલાયો હતો