જામનગર સરમત ગામે સસરા પક્ષના ત્રાસથી જમાઈએ ઝેરી દવા ગટગટાવી
- યુવકે દવા પીતા પહેલા SP સાહેબને સંબોધી Video બનાવી સાસુ, સસરા અને સાળાને જવાબદાર ગણાવ્યા.!!
- સસરા અને સાળો પોલિસમાં નોકરી કરતા હોવાને કારણે ખોટી રીતે અરજીઓ કરાવી માનસીક ત્રાસ આપતાનો વિડીયોમાં ઉલ્લેખ
- હરેશ સરવૈયાની પત્નિ નિતાબેન બે વર્ષથી રીસામણે હોવાનું જાણવા મળ્યું છે.
દેશ દેવી ન્યુઝ જામનગર તા.27 જૂન 23 જામનગર નજીકના સરમત ગામે રહેતા અને ખેતીકામ કરતા યુવાને સસરાપક્ષના ત્રાસના કારણે વાડી વિસ્તારમાં જઈ ઝેરી દવા ગટગટાવી લેતા તાત્કાલિક સારવાર માટે જીજી હોસ્પિટલમાં ખસેડવામાં આવ્યો હતો જ્યા તેની હાલત ગંભીર ગણાવાઇ રહી હોવાનું મનાય રહ્યું છે.
જાણવા મળતી વિગત મુજબ જામનગરના સરમત ગામે હરેશ બાબુભાઈ સરવૈયા નામના યુવકના લગ્ન પાંચ વર્ષ પહેલા રાજકોટ થયા હતા જેમાં યુવકના પત્ની બે વર્ષથી રીસામણે બેઠા હતા હરેશના સસરા રિટાર્યડ પોલીસમેન અને સાળો પોલિસમાં ફરજ બજાવતો હોવાને કારણે અવારનવાર ખોટી અરજીઓ કરી હરેશને ત્રાસ આપતા હોવાનો વાયરેલ વિડીયોમાં ઉલ્લેખ કર્યો છે.
તેવામાં આજરોજ યુવકે ઝેરી દવા પી આપધાતનો પ્રયાસ કરતા તાત્કાલીક સારવાર માટે હોસ્પિટલમાં ખસેડવામાં આવ્યો હતો યુવકે દવા પીતા પહેલા પરીવાર અને જિલ્લા એસપી સાહેબને સંબોધીને સસરા પક્ષના લોકો ત્રાસ આપતા અંગેનો વિડીયો બનાવી માફી માંગી હતી બનાવની જાણના પગલે પોલિસ કાફલો હોસ્પિટલ દોડી જઈ તપાસના ચક્રો ગતિમાન કર્યાં છે.હાલ જમાઈએ સસરા પક્ષના ત્રાસને લઈ દવા પી જવાનો મુદ્દાએ સારી એવી ચર્ચા જગાડી છે.
