રાહુલ ગાંધીની ઇડી દ્વારા પૂછપરછના વિરોધમાં જામનગર શહેર કોંગ્રેસનું વધુ એક વિરોધ પ્રદર્શન:
શહેર પ્રમુખ દિગુભા જાડેજા સહિત 20ની અટકાયત
દેશ દેવી ન્યુઝ ૨૧ જૂન ૨૨ જામનગર: કોંગ્રેસના પૂર્વ અઘ્યક્ષ અને સાંસદ રાહુલ ગાંધીની નેશનલ હેરાલ્ડ કેસમાં એન્ફોર્સમેન્ટ ડેરોકટરેટ (ઇડી) દ્વારા પૂછપરછ કરવાના વિરોધમાં જામનગર શહેર કોંગ્રેસ દ્વારા ફરી એકવાર આજે વિરોધ પ્રદર્શન કરાયું હતું.
શહેર પ્રમુખ વિરેન્દ્રસિંહ જાડેજાની આગેવાનીમાં આજે વધુ એક શહેરના લાલબંગલા સર્કલ ખાતે કરાયેલ વિરોધ પ્રદર્શન કરાયું હતું જયાં કોંગી આગેવાનો અને કાર્યકર્તાઓ દ્વારા ભાજપ સરકાર વિરૂઘ્ધ સુત્રોચ્ચાર કરવામાં આવ્યા હતા જેના પગલે પોલીસે કોંગી નેતા-કાર્યકર્તાઓની અટકાયત કરવામાં આવી હતી. જાણવા મળતી માહિતી મુજબ વિરેન્દ્રસિંહ જાડેજા (દીગુભા), સહારાબેન મકવાણા,નુરમામદ પાલેજા સહિતના કુલ 20 વ્યક્તિની અટકાયત કરવામાં આવ છે.
