જામનગર જિલ્લાના ૭૬-કાલાવડ વિધાનસભા વિસ્તારના ભાજપના ધારાસભ્યની કાર ને નડ્યો અકસ્માત
- કારનો સંપૂર્ણપણે બુકડો બોલી ગયો: પરંતુ ધારાસભ્ય અને ડ્રાઇવરનો ચમત્કારિક બચાવો
જામનગર તા ૨૫, જામનગર જિલ્લાના ૭૬- કાલાવડ વિધાનસભા વિસ્તારના ભાજપના ધારાસભ્ય મેઘજીભાઈ ચાવડાની કાર ને જામનગર-રાજકોટ ધોરી માર્ગ પર ધ્રોળ નજીક જાયવા ગામના પાટીયા પાસે અકસ્માત નડ્યો હતો, અને કાર રોડથી નીચે ઉતરી જતાં કારનો બુકડો બોલી ગયો હતો, પરંતુ સદભાગ્યે ધારાસભ્ય અને કારચાલકનો ચમત્કારિક બચાવ થયો હતો, અને સદભાગ્યે જાનહાનિ ટળી છે.આ અકસ્માતના બનાવની વિગત એવી છે કે ગાંધીનગરથી પોતાના ઘેર ધ્રોળ પરત આવતા સમયે ૭૬- કાલાવડના ધારાસભ્ય મેઘજીભાઈ ચાવડાની કાર ને અકસ્માત નડ્યો હતો.
ગત મોડી રાત્રીના ધ્રોલ નજીક જામનગર રાજકોટ હાઈવે જાયવા પાસે પહોંચતાં તેઓની કાર ને અકસ્માત નડ્યો હતો, અને કાર રોડથી નીચે ઉતરી ગયા પછી એક ઝાડ સાથે પણ ટકરાઈ હતી અને કાર પડીકું વળી ગઈ હતી.
જે અકસ્માતમાં કારની અંદર બેઠેલા ધારાસભ્ય મેધજીભાઈ ચાવડાનો ચમત્કારી બચાવ થયો છે અને તેમના ડ્રાઇવરને પણ કોઈ ઈજા થઇ નથી, અને બંનેનો ચમત્કારિક બચાવ થયો હતો, અને સર્વેએ હાશકારો અનુભવ્યો હતો. જે અકસ્માતમાં ફોરવિલનો આગળનો ભાગ ટોટલ લોસ થયો છે.
