સીક્કા પોલીસ સ્ટેશનમાં પીધેલી હાલતમાં ‘સીન-સપાટા’ કરવું યુવાનને ભારે પડ્યું!
ભરતસિંહ ગુમાનસિંહ જાડેજા દ્વારા નશો કરેલી હાલતમાં નંબર વગરની કાર લઇને પોલીસ સ્ટેશનમાં આવી પોલીસકર્મીઓ સાથે કર્યુ ઉદ્ધતાઇ ભર્યુ વર્તન.
દેશ દેવી ન્યુઝ જામનગર ૧૪ જૂન ૨૨.જામનગર તાલુકાના સીક્કા પોલીસ સ્ટેશનના કમ્પાઉન્ડમાં સોમવારે મધ્યરાત્રિના સમયે એક શખ્સ નશો કરેલી હાલતમાં નંબર વગરની કાર લઇને પોલીસ સ્ટેશનમાં આવી ચડયો હતો. જેથી પોલીસે શખ્સની ધરપકડ કરી આઠ લાખની કાર અને 10 હજારનો મોબાઇલ કબ્જે કર્યો હતો. આ અંગેની વિગત મુજબ, જામનગર તાલુકાના સીક્કા પોલીસ સ્ટેશનના કમ્પાઉન્ડમાં સોમવારે રાત્રિના સમયે નંબર વગરની કાર લઇને ચાલક ઘુસી આવ્યો હતો.
જેથી પોલીસે કાર ચાલકને આંતરીને પૂછપરછ કરતાં ચાલક નશો કરેલી હાલતમાં જણાતા પોલીસે ભરતસિંહ ગુમાનસિંહ જાડેજા નામના શખ્સને ઝડપી લઇ આઠ લાખની કિંમતની કાર અને રૂા.10000 ની કિંમતનો એક મોબાઇલ મળી કુલ રૂા.8,10,000 નો મુદ્દામાલ કબ્જે કરી શખ્સ વિરૂઘ્ધ ગુનો નોંધી કાર્યવાહી હાથ ધરી હતી.
આ શખસે સિક્કા પોલીસ મથક ખાતે આવેલ અને જોરજોરથી બુમો પાડી આરોપીઓને ક્યારે જામીન આપો છો અને હાજર પોલીસને ગાળો ભાંડી ભરતસિંહ જાડેજાએ તમારા ટોપી પટ્ટા ઉતરાવી નાખીશ તેમ કહી અને ઝપાઝપી કરી અને ફરજ પર હાજર પોલીસકર્મીના શર્ટના બટન તોડી નાખેલ હતા.
