પંચેશ્વર ટાવર પાસે નજીવી બાબતે વિદ્યાર્થી ઉપર છરી વડે હુમલો : ત્રણ શખ્સોનું કારસ્તાન
આરોપી:- (૧ ) રાજન મહેતા તથા અજાણ્યા બે શખ્સો રહે બધા-જામનગર
દેશ દેવી ન્યુઝ તા. ૨૭ ઓક્ટોબર ૨૨ જામનગર શહેરના વૃંદાવન સોસાયટી શેરી નંબર -૩ એસ.બી.શર્મા સ્કુલની બાજુમા રહેતા હર્ષ તોમર નામનો વિદ્યાર્થી ત્રિશાળી પાઉભાજી પાસે પોતાના મિત્ર સાથે બેઠો હતો ત્યા રાજન મહેતા નામનો શખ્સ અચાનક આવી મનફાવે તેવી ગાળો બોલી હર્ષ તોમર સાથે ઝઘડો કરવા લાગેલ અને ઉગ્ર બોલાચાલી કરી વિદ્યાથી ઉપર છરી વડે હુમલો કરી માથાના ભાગે એક ‘ધા’ ફ્ટકારી દેતા નાસભાગ મચી ગઈ હતી.
વાત એટલેથી ન અટકતા રાજન સાથે રહેલ અન્ય બે શખ્સોએ વિદ્યાથીને ઢીંકાપાટુનો માર મારી નાશી છૂટ્યા હતા આથી પોલીસે રાજન મહેતા સહિત ત્રણ શખ્સો વિરૂદ્ધ IPC કલમ ૩૨૩, ૫૦૪, ૫૦૬ (૨), ૧૧૪ તથા જી.પી. એક્ટ કલમ ૧૩૫-(૧) મુજબ ગુનોં નોંધી શોધખોળ હાથ ધરી છે.
