જામનગરમાં બ્યુટી પાર્લર સંચાલિકા પર મહિલા સહિત ૪ શખ્સોનો જીવલેણ હુમલો
- આરોપી :- (૧) ઈસ્માઈલભાઈ બોધુભાઈ સમા (૨) અલ્તાફભાઈ બોધુભાઈ સમા (૩) હારુનભાઈ હુસેનભાઇ રાવપુરા રહે ઉપલેટા જિલ્લો રાજકોટ (૪) હવાબેન બોધુભાઈ સમા રહે જામનગર.
- જમીન બાબતનો ઝઘડો કારણભૂત
દેશ દેવી ન્યુઝ જામનગર તા.૧૧ માર્ચ ૨૩ : જામનગરના ઢીચડા રોડ પર વાયુનગરમાં રહેતી અને બ્યુટી પાર્લર ચલાવતી સોનલબેન ફિરોજભાઈ નોતિયાર નામની યુવતીએ પોતાના ઉપર છરી વડે ઈજા પહોંચાડવા અંગે, તેમજ ધોકા પડે અને ઇંટનો ઘા કરી માર મારવા અંગે જામનગરમાં રહેતા ઈસ્માઈલભાઈ બોદુભાઈ સમા, અલ્તાફભાઈ બોદુભાઇ સમા, ઉપરાંત ઉપલેટાના હારૂન હુસેનભાઇ રાવપુરા અને જામનગરની હવાબેન બોદુભાઈ સમા સામે ફરિયાદ નોંધાવી છે.
પોલીસ ફરિયાદમાં જાહેર કરાયા અનુસાર ફરીયાદી યુવતીના ભાઈને આરોપીઓ સાથે જમીન બાબતે ઝઘડો ચાલે છે, અને તે અંગે ફરિયાદ કરી છે. જે ફરિયાદ અંગેનું મન દુ:ખ રાખીને આ હુમલો કરાયા નું પોલીસમાં જાહેર થયું છે. સીટી – સી પોલીસે IPC કલમ ૩૨૪ ૩૨૩ ૨૯૪(ખ) ૧૧૪ તથા GP એક્ટ ૧૩૫ (૧) મુજબ ગુનોં નોંધી આરોપીની શોધખોળ આદરી છે.
