નીયાઝની પ્રસાદી વિતરણ બાબતે મહિલાએ મહિલાને માથામાં ધોકો ફટકાર્યાની રાવ
જામનગર ગુલાબનગર સંજરી ચોક પાડોશી મહિલાએ અન્ય મહિલા પર હુમલો કરી માર મારવાની ફરીયાદ પોલીસ દફતરે નોંધાઇ છે.
ગુલાબનગરના સંજરી ચોકમાં ધર પાસે માણસો ભેગા કરવા બાબતે મહિલાએ કર્યાં ડખો.!
દેશ દેવી ન્યુઝ નેટવર્ક જામનગર: શહેરના ગુલાબનગર વિસ્તારના સંઝરી ચોકમાં કરીમભાઈ પોલીસવાળાની ગલીમાં રહેતા રસીદાબેન હારૂનભાઇ જેમલાણી જાતે સુમરાએ સીટી-બી ડિવિઝનમાં ફરીયાદ નોંધાવી છે કે મોહરમ તહેવાર નિમિત્તે ફરીયાદી રસીદાબેન સુમરા નીયાઝ પાડતા હોય અને પોતાના ઘર પાસે પ્રસાદીનું વિતરણ કરતા હોય તેની પાડોશમાં રહેતા રુહીબેન હમીરભાઇ સુમરાએ માણસો કેમ ભેગા કરો છો તેમ કહી રસીદાબેન સાથે ગાળો બોલી માથાકુટ કરેલ અને કહેલ કે ના પાડવા છતાં માણસો કેમ ભેગા કરશ તેમ કહી ઉશ્કેરાઈ જઈ રસીદાબેનને લાકડાનો એક ધા માથામાં ફટકારી લોહી-લુહાણ કરી ઇજા કરેલ
હાલ પોલીસ દ્વારા મહિલા વિરૂધ્ય આઈપીસીની કલમ – 324, 504 તથા જી.પી એકટ ૧૩૫ મુજબ ગુનો નોંધી આગળની કાર્યવાહી હાથ ધરેલ છે.
હાલ મોહરમ જેવા પવિત્ર તહેવારમાં થયેલ માથાકૂટે શહેરભરમાં સારી એવી ચર્ચા જગાડી છે.
