લાલપુર પંથકના આરબલુસમાં ઓટલા ઉપર બેસવાની બાબતે યુવાન ઉપર હિચકારો હુમલો: ત્રણ શખસ સામે ફરિયાદ.
લાલપુરના આરબલુસ નો બનાવ..
દેશ દેવી ન્યુઝ નેટવર્ક જામનગર: ૧૪.લાલપુર તાલુકાના આરબલુસ ગામમાં રહેતા હિતેશપરી નટુપરી ગોસાઈ (ઉ.વ.29) નામના મજૂરી કામ કરતા બાવાજી યુવાનને એક માસ પૂર્વે ઓટલા ઉપર બેસવા બાબતે બોલાચાલી થઈ હતી.
આ બોલાચાલીનો ખાર રાખી બુધવારે રાત્રિના સમયે રવિરાજસિંહ કાળુભા, વિરભદ્રસિંહ જામસિંહ અને અજીતસિંહ બનેસંગ નામના આરબલુસના ત્રણ શખ્સોએ હિતેશપરીને આંતરીને ઢીકાપાટુનો અને લાકડી તથા લોખંડના પાઈપ વડે માર મારી ઈજા પહોંચાડી હતી તેમજ અપશબ્દો બોલી પતાવી દેવાની ધમકી આપી હતી.
હુમલાના બનાવમાં ઘવાયેલા યુવાનને સારવાર માટે હોસ્પિટલે ખસેડવામાં આવ્યો હતો. જ્યાં બનાવની જાણ થતા હેકો ટી.બી.જાડેજા તથા સ્ટાફે ઈજાગ્રસ્ત યુવાનના નિવેદનના આધારે ત્રણ શખ્સો વિરુધ્ધ હુમલાનો ગુનો નોંધી ધરપકડ માટે ચક્રો ગતિમાન કર્યા હતાં.
