નાના આંબલા ગામે પ્રેમપ્રકરણ સંદર્ભે બે પરિવારો વચ્ચે જુથ અથડામણ : સામ-સામે નોંધાવેલી ફરિયાદમાં 14 સામે ગુનો નોંધાયો
દેશ દેવી ન્યુઝ નેટવર્ક ખંભાળિયા નાના આંબલા ગામે રહેતા રજાક કાસમ સંધાર નામના પ0 વર્ષીય મુસ્લિમ આધેડ પરિવારની એક યુવતીને મોટા આંબલા ગામે રહેતા નાઝીમ ઉર્ફે જીવાભાઇના ભાણેજ સાથે સાથે પ્રેમ સંબંધ હોય, બંને ઘર છોડીને ચાલ્યા ગયા હતા. આ બાબતનું ઘણા સમયથીબંને પરિવારો વચ્ચે મનદુ:ખ ચાલતુ હતુ. તેનો ખાર રાખી નાઝીમભાઇ ઉર્ફે જીવાભાઇ તથા તેમના પિતા અલારખાભાઇ, ભાઇ ગફારભાઇ, તથા ઓસ્માણભાઇ સાથે બોલાચાલી થઇ હતી.
જેથી ફરિયાદી રજાકભાઇ સંધાર તથા તેમનો પુત્ર સલીમભાઇ તેમને સમજાવવા જતાં નાઝીમભાઇ, અલારખાભાઇ, અબ્દુલભાઇ, અકબરભાઇ તેમજ હાજી ખમીશા, લતીફ કાસમ અને આમદ કાસમ નામના સાત શખ્સોએ એક સંપ કરી ગેરકાયદેસર મંડળી રચીઅને સાહેદ સલીમભાઇ સંધારને ધારીયા વડે ઇજાઓ પહંચાડી હતી.
આ ઉપરાંત હાથમાં ફેકચર સહિતની ઇજાઓ પહોંચાડી હતી. રજાકભાઇ કાસમભાઇ સલીમભાઇ ગફારભાઇ ઓસમાણભાઇ નામના ચાર પરિવારજનોને ઇજાઓ કરી આરોપી શખ્સો દ્વારા જાનથી મારી નાખવાન ધમકી પણ આપવામાં આવી હોવાનું રજાકભાઇ કાસમભાઇ ડસંધાર દ્વારા પોલીસમાં જાહેર થયું છે.
આ બનાવ અંગે વાડીનાર મરીન પોલીસ સાતેય શખ્સોસામે આઇપીસી કલમ 323, 324, 504, 506 (2) 143, 147, 148, 149 તથા જી.પી.એકટ મુજબ ગુનો નોંધી, આગળની કાર્યવાહી પીએસઆઇ કે.એન.ઠાકરીયા દ્વારા હાથ ધરવામાં આવી છે.
આ પ્રકરણમાં સામા પક્ષે મોટા આંબલા ગામના રહીશદ આમદભાઇ કાસમભાઇ સંધિએ નાના આંબલા ગામના રજાકભાઇ કાસમભાઇ સંધાર, સલમી રજાકભાઇ, ગફાર કાસમભાઇ, ઓમસાણ કાસમભાઇ, હનીફ હુસેનભાઇ, ઇસુબ હુસેનભાઇ અને આમીન હુશેનભાઇ નામના સાત શખ્સોસામે વાડીનાર મરીન પોલીસમાં ધોરણસરની ફરિયાદ નોંધાવી છે.
આ ફરિયાદમાં જાહેર થયેલી વિગત મુજબ ફરિયાદી આમમદભાઇના પિતરાઇભાઇને આરોપી પરિવારની એક પુત્રીસાથે સંબંધ હોવાથી ઘર છોડીને જતા રહેતા આ બાબતનું મનદુ:ખ રાખી, આરોપી શખ્સો દ્વારા ફરિયાદી આમદભાઇ કાસમભાઇ તેમજ સાહેદ અલારખાભાઇ તથા બોદુભાઇ ઉપર કુહાડી, પાઇપ તથા લાકડીઓ વડે ઘાતક હુમલો કરી અને બિભત્સ ગાો કાઢી, મારી નાખવાની ધમકી આપી, ઇજાઓ પહોંચાડી હતી.
ઉપરોકત બનાવ અંગે સ્થાનીક પી.એસ.આઇ. કે.એન.ઠાકરીયાએ સાતેય શખ્સો સામે પી.સી. કલમ 323, 324, 504, 506 (2) તથા રાયોટીંગ અને જી.પી.એકટ મુજબ ધોરણસરની કાર્યવાહી હાથ ધરી છે.
