જામનગર જીલ્લાના પૂર્વ એસ.પી. અને હાલ ડીઆઇજી દીપન ભદ્રનને વધુ એક મહત્વની જવબાદારી સોંપાઇ
ભૂમાફિયા જયેશ પટેલની ગેંગનો સફાયો કરનાર જાબાંઝ પોલીસ અધિકારી દીપન ભદ્રનના હાથમાં કેસ આવતા તીસતા સેતલવાડ અને તેના મળતિયાનું ચડી આવ્યું!
કાયદાકીય પ્રક્રિયાનો દૂરુપયોગ કરનાર તીસતા સેતલવાડના કેસમાં ‘સીટ’ની રચના
‘સીટ’ના ચેરમેન તરીકે એટીએસ-ડીઆઇજી દીપન ભદ્રનની નિમણુંક કરતા ડીજીપી આશિષ ભાટિયા
હાલ તીસત સેતલવાડ અને શ્રીકુમારની ધરપકડ, પૂર્વ પોલીસ અધિકારી સંજીવ ભટ્ટની પાલનપુર જેલમાંથી હવે ધરપકડ કરાશે
દેશ દેવી ન્યુઝ જામનગર: ૨૬ જૂન ૨૨ જામનગર જીલ્લામાં ભૂમાફિયા જયેશ પટેલ અને તેની ગેંગનો સફાયો કરનાર તત્કાલિક જીલ્લા પોલીસવડા દીપન ભદ્રન હાલ એટીએસ-ડીઆઇજીને વધુ એક મહત્વની જવાબદારી સોંપાઇ છે. સુપ્રીમ કોર્ટના નિર્દેશ અનુસાર કાયદાકીય પ્રક્રિયાનો દૂરુપયોગ કરનાર તીસતા સેતલવાડ અને તેની મદદગારી કરનારાઓ સામે તપાસ કરવા માટે ‘સીટ’ (સ્પેશ્યલ ઇન્વેસ્ટીગેશન ટીમ) ની રચના કરવામાં આવી છે.
2002 રમખાણ અંતર્ગત ઝાકિયા જાફરીની સુપ્રીમ કોર્ટમાં અરજીના આધારે કાયદાકીય પ્રક્રિયાનો દુરુપયોગ કરીને અલગ-અલગ કમિશનમાં નકલી દસ્તાવેજો રજૂ કરવામાં આવ્યા હતા. આ કેસમાં તિસ્તા સેતલવાડની મુંબઈમાં તેના ઘરેથી ધરપકડ કરવામાં આવી છે. જ્યારે આર.બી .શ્રીકુમાર અને સંજીવ ભટ્ટ (પૂર્વ આઇપીએસ અધિકારી) ને સમન્સ પાઠવવામાં આવ્યા છે.
સુપ્રીમ કોર્ટમાં અરજી ફગાવી દેવાયા બાદ ગુજરાત પોલીસે નવેસરથી એફ.આર.આઇ. દાખલ કરી છે.આરોપ છે કે તિસ્તા સેતવલવાડે ગુજરાતને બદનામ કર્યું હતું. તેના માટે બનાવટી દસ્તાવેજો બનાવવામાં આવ્યા હતા.હવે તિસ્તાએ જણાવવું પડશે કે કોના કહેવા પર, ક્યાંથી અને કોની સાથે આ નકલી દસ્તાવેજ બનાવવામાં આવ્યો હતો.
સુપ્રીમ કોર્ટના નિર્ણય બાદ અમદાવાદ ક્રાઈમ બ્રાન્ચમાં તિસ્તા સેતલવાડ, સંજીવ ભટ્ટ અને આર.બી. શ્રીકુમાર વિરુદ્ધ કેસ નોંધવામાં આવ્યો હતો. અમદાવાદ ક્રાઇમ બ્રાન્ચે આઇપીસી કલમો 468, 471, 194,211,218, અને 120ઇ હેઠળ કેસ નોંધ્યા છે. તીસ્તા સેતલવાડની મુંબઈથી અને આર.બી.શ્રીકુમારની ગાંધીનગરથી ધરપકડ કરી હતી. પૂર્વ પોલીસ અધિકારી સંજીવ ભટ્ટની પાલનપુર જેલમાંથી હવે ધરપકડ કરાશેે.
‘સીટ’માં કોનો સમાવેશ :ગુજરાત એટીએસના ડીઆઇજી દિપેન ભદ્રનને ‘સીટ’ ચેરમેન તરીકે નિમવામાં આવ્યા છે. જોકે એટીએસ એસ.પી. સુનિલ જોષી અને ક્રાઇમ બ્રાન્ચના ડીસીપી ચૈતન્ય માન્ડલીક ‘સીટ’ના સભ્ય રહેશે. અમદાવાદ શહેર એસ.ઓ.જી.ના એ.સી.પી. બી. સી. સોલંકી કેસના તપાસ અધિકારી રહેશે. તો મહિલા પીઆઈ સહિત ત્રણ પીઆઇનો સમાવેશ પણ કરવામાં આવ્યો છે.
