સિકકામાં વાહન સર્વિસ સેન્ટરના સંચાલક પર હુમલો: બે સામે ફરિયાદ
દેશ દેવી ન્યુઝ જામનગર તા.પ ઓગસ્ટ ૨૩: સિક્કામાં રહેતા અને સર્વિસ સ્ટેશન ચલાવતા વેપારી પર સિક્કા ગામનાજ બે શખ્સો એ વાહન સર્વિસ કરવા બાબતે તકરાર કર્યા પછી બેઝબોલના ધોકા વડે હુમલો કરી દેતાં માથું ફાટી ગયું હતું, અને 11 ટાંકા લેવા પડ્યા છે. જે મામલે બંને આરોપીઓ સામે ફરિયાદ નોંધાવી છે. આ ફરિયાદ અંગેના બનાવની વિગત એવી છે કે સિક્કામાં પંચવટી સોસાયટીમાં રહેતા અને સર્વિસ સ્ટેશન ચલાવતા ધર્મરાજસિંહ નટુભા કંચવા (32) ઉપર સિક્કા ગામના રસુલ અજીજભાઈ તથા અજીજ કરીમે વાહનને રસ્તામાં રોકાવી બેઝ બોલનો ધોકો કાઢીને કાચ તોડી નાખવા અંગે તેમજ બેઝબોલ નો ધોકો માથામાં મારી જાન થી મારી નાખવાની ધમકી આપવા અંગે ની ફરિયાદ સિક્કા પોલીસ મથકમાં નોંધાવાઇ છે.
જયારે ધર્મરાજસિંહ કંચવાને માથામાં ઈજા થવાથી જામનગરની જી.જી હોસ્પિટલમાં સારવાર માટે લઇ જવાયા હતા, અને માથામાં 11 ટાંકા લેવા પડ્યા હતા. ફરીયાદિના સર્વિસ સ્ટેશનમાં આરોપીઓ વાહન સર્વિસ કરવા માટે લઈને આવતા હતા, જયાં વચ્ચેથી વારો લેવા માટે બંને આરોપીઓએ તકરાર કર્યા પછી આ હુમલો કરાયાનું પોલીસમાં જાહેર થયું છે. વધુ તપાસ સીક્કા પોલીસ સ્ટેશનના હેડ.કોન્સ્ટેબલ સુધીરસિંહ જાડેજા ચલાવી રહ્યા છે.
