વિભાપરમાં જૂના મનદુ:ખનો ખાર રાખી મહિલાને માર માર્યાની ફરિયાદ
- વિભાપરની મધુરમ સોસાયટીનો બનાવ : ધોકા વડે માર મારવાનો વિડીઓ થયો વાઈરલ
દેશ દેવી ન્યુઝ જામનગર: તા.૪ ઓક્ટોબર ૨૨ જામનગર નજીક વિભાપરના મધુરમ રેસીડેન્સી વિસ્તાર રસ્તા પર પાણી ઢોળવા બાબતે મહિલાઓ વચ્ચે ડખ્ખો થયા બાદ આ બાબતનું મનદુ:ખ રાખીને એક યુવતિને ઢીકાપાટુનો માર મારવામાં આવ્યો હોવાની એક શખ્સ સામે ફરીયાદ કરવામાં આવી છે. જામનગર નજીક વિભાપર ગામ મધુરમ રેસીડેન્સી બ્લોક નં. ૪૭/૭ ખાતે રહેતી ક્રિષ્નાબેન જયદીપભાઇ ગોસ્વામી (ઉ.વ.૨૩) એ બેડી મરીન પોલીસમાં વિભાપર ગામમાં રહેતા ભરતસિંહ વાઢેર નામના શખ્સ સામે ફરીયાદ કરવામાં આવી છે.
ફરીયાદીને આરોપીના પત્ની સાથે રસ્તા પર પાણી ઢોળવા બાબતે બોલાચાલી થઇ હતી જે વાતનું મનદુ:ખ રાખી આરોપીએ તા.૨ના રોજ ફરીયાદી સાથે ઝઘડો કરી અપશબ્દો કહ્યા હતા તેમજ ધોકા અને ઢીકાપાટુનો માર માર્યો હતો. ફરીયાદના આધારે આરોપીની વિધીવત ધરપકડ કરવા ચક્રો ગતીમાન કરવામાં આવ્યા છે.
