જામનગર રાજકોટ ધોરી માર્ગ પર ટ્રક અને કાર વચ્ચે ના અકસ્માતમાં ક્રેટા કારનો ભૂકડો બોલી ગયો : સદભાગ્યે જાન હાની ટળી
દેશ દેવી ન્યૂઝ જામનગર તા ૧૬ સપ્ટેમ્બર ૨૪, જામનગર- રાજકોટ ધોરીમાર્ગ પર ધુવાવ નજીક સોમવારે સાંજે ટ્રક અને કાર વચ્ચે અકસ્માત સર્જાયો હતો. જે અકસ્માતમાં કારની પાછળના ભાગનો બુકડો બોલી ગયો હતો. સદભાગ્ય જાનહાની ટળી હતી.
આ અકસ્માતના બનાવની વિગત એવી છે કે દેવભૂમિ દ્વારકા જિલ્લા પાસિંગની જી.જે. ૩૬ એ.એફ. ૩૫૦૧ નંબરની ક્રેટા કાર જામનગર રાજકોટ રોડ પરથી સોમવારે સાંજે પસાર થઈ રહી હતી, દરમિયાન પુર ઝડપે આવી રહેલા એક ટ્રકના ચાલકે કારને પાછળથી ઠોકર મારી દેતાં કારના પાછળના ભાગનો બુકડો બોલી ગયો હતો, અને કારમાં ભારે નુકસાની થઈ હતી.
કાર રોડ પરથી નીચે ઉતારતાં અટકી ગઇ હતી, અને તેમાં બેઠેલી વ્યક્તિનો બચાવ થયો હતો.જે અકસ્માત બાદ ટ્રકનો ચાલક પોતાનો ટ્રક છોડીને ભાગી છુટ્યો હતો. પંચકોશી એ. ડિવિઝન નો પોલીસ સ્ટાફ ઘટના સ્થળે દોડી ગયો છે, અને વધુ તપાસ હાથ ધરી છે.
