જામનગર ના ગાંજા સપ્લાય પ્રકરણમાં આરોપી જગદીશ પરમારને જામીન મુક્ત કરવા કોર્ટનો આદેશ

અમીરગઢ થી જામનગર ગાંજો સપ્લાય કરવાના NDPS ના ગુન્હામાં જામીન મુકત મુકત કરતી : સ્પેશિયલ NSPS કોર્ટ

• ગાંજા સપ્લાય પ્રકરણમાં જગદીશ પરમારનું નામ ખુલતા કોર્ટમાં ખેલાયો કાનૂની જંગ : બચાવ પક્ષના વકીલ ની ધીરદાર દલીલો કોર્ટ ગ્રાહ્ય રાખી આરોપીને જામીન મુક્ત થવા આદેશ કર્યો

દેશ દેવી ન્યૂઝ તા. ૨૦ નવેમ્બર ૨૪ જામનગર આ કેસની ટૂકી હકીકત એવી છે કે,ગત તા. ૨૩/૦૮/૨૦૨૪ ના રોજ ૧ કિલો,૪૩૯ ગ્રામ ગાંજા સાથે એક ઇસમની ધરપકડ કરવામાં આવેલી હતી. જામનગર સિટી- એ ડિવિઝન પોલીસ સ્ટેશનમાં ગુનો દાખલ કરી  NDPS એક્ટની કલમ ૮(સી) ,૨૦(બી), ૨(બી) તથા ૨૯ મુજબ ગુનો નોંધાયો હતો

ત્યારબાદ તપાસના કામે અમીરગઢ, જી.બનાશકાઠા થી સપ્લાય કરી વેચનાર તરીકે જગદીશ પરમારનું નામ ખુલેલું હતું. અને તેની ધરપકડ કરી જેલ હવાલે કરેલ.ત્યારબાદ આરોપીએ તેના જામીન મુકત થવા નામદાર સ્પેશિયલ NDPS કોર્ટ જામનગર સમક્ષ જામીન અરજી કરેલ હતી.

જેમાં કાયદાકીય ધારદાર દલીલો ધ્યાને લઈને આરોપી જગદીશ પરમારને જામીન મુકત કરવાનો નામદાર સ્પેશિયલ NDPS કોર્ટ દ્વારા હુકમ ફરમાવેલ છે. આ કેસમાં આરોપીના વકીલ તરીકે વિદ્વાન ધારાશાસ્ત્રી મનીષ ટી મહેતા તથા તેમના જુનિયર સરફરાઝ મોગલ રોકાયેલા હતા