જામનગર: ચારિત્ર અંગે શંકા કરી-ત્રાસ આપતા પતિ સહિત જેઠ-જેઠાણી સામે પરિણીતાની ફરિયાદ
જામનગર: જામનગરના સીટી સી પોલીસ સ્ટેશનમાં જલ્પાબેન અશોકભાઈ શામજીભાઈ કણજારીયા, ઉ.વ. 28, રે. સુર્યવંદના પ્લોટ નં. 11/2, યોગેશ્વરનગર-ર, શેરી નં.-4, ગુલાબનગર, જામનગરવાળાએ ફરીયાદ નોંધાવી છે કે, તા.ર6-6-2021ના આ કામના આરોપીઓ જેઠ- મહેશભાઈ શામજીભાઈ કણજારીયા, જેઠાણી- સીમાબેન મહેશભાઈ કણજારીયા, જેઠ- અરવિંદભાઈ શામજીભાઈ કણજારીયા એ ફરીયાદી જલ્પાબેનને વારંવાર મેણાટોણા બોલી શારીરીક માનસીક ત્રાસ આપી તેમજ ફરીયાદી જલ્પાબેનના પતિ આરોપી અશોકભાઈ શામજીભાઈ કણજારીયાને ફરીયાદી જલ્પાબેનના ચારિત્ર અંગે ફોન કરી ચડામણી કરતા હોય જેથી આરોપી અશોકભાઈ શામજીભાઈ કણજારીયા એ ફરીયાદી જલ્પાબેનને અવાર-નવાર મેણાટોણા બોલી શારીરીક માનસીક ત્રાસ આપી ભુંડી ગાળો બોલી છરી વડે ફરીયાદી જલ્પાબેનને કપાળ પર ડાબી બાજુ સારવાર ના ટાંકા આવે તેવી ઈજા કરેલ તેમજ લાકડાના ધોકા વડે ફરીયાદી જલ્પાબેનને મુંઢ ઈજા તથા ફરીયાદી જલ્પાબેનના માત (સાહેદ) ને કપાળ પર સારવારના ટાંકા આવે તેવી ઈજા કરી નાશી જઈ એકબીજાને મદદગારી કરી જિલ્લા કલેકટરના હથીયારબંધી જાહેરનામાનો ભંગ કરી ગુનો કરવા સબબ પોલીસે વધુ તપાસ હાથ ધરી છે.
