હાલારની 6 બેઠકો પર ભાજપના ઉમેદવાર જાહેર, ખંભાળિયાના બાકી..!
- જામનગર- 78/ 79માં નવા ચહેરાને તક
ચીમનભાઇ અને મેઘજીભાઇને ફરી એકવાર મેદાનમાં ઉતાર્યા - રાઘવજી પટેલ અને પબુભા માણેક રીપીટ
જામનગર: જામનગર અને દેવભૂમિ દ્વારકા જીલ્લાની કુલ 7 બેઠકોમાંથી 6 સીટના ઉમેદવાર ભાજપે જાહેર કરી દીધા છે. ફકત્ત ખંભાળિયાના બેઠકના ઉમેદવાર જાહેર કરવાના બાકી રાખી છે અને તે મહત્વપૂર્ણ બેઠક પણ છે.
ભાજપે જામનગર-ઉત્તર(78)માં રિવાબા જાડેજા અને જામનગર-દક્ષિણ(79)માં દિવ્યેશ અકબરીને મેદાનમાં ઉતાર્યા છે. જયારે ગત ચૂંટણીમાં હારેલા ચીમનભાઇ શાપરિયા (જામજોધપુર) અને મેઘજીભાઇ ચાવડા(કાલાવડ) ને ફરી એકવાર ભાજપે પોતાના ઉમેદવાર જાહેર કર્યા છે. જયારે દિગ્ગજ રાજકારણી એવા રાઘવજી પટેલ અને પબુભા માણેકને ફરી એકવખત ભાજપે રીપીટ કર્યા છે.
ગુજરાત વિધાનસભાની ચૂંટણી બે તબક્કામાં યોજાનાર છે. આગામી તા. 1 ડિસેમ્બરના રોજ જામનગર સહિત સૌરાષ્ટ્રની બેઠકો ઉપર મતદાન યોજાનાર છે. ત્યારે આજરોજ ભાજપા દ્વારા 160 બેઠકો ઉપર ઉમેદવારોના નામની જાહેરાત કરવામાં આવી છે. ભારતીય જનતા પાર્ટી દ્વારા આજે ઉમેદવારોના નામની જાહેરાત થતાં અટકળોનો અંત આવ્યો હતો.
ભાજપ: હાલારની કુલ 6 બેઠકો અને ઉમેદવારોનું લીસ્ટ
76-કાલાવડ: મેઘજીભાઇ ચાવડા
77-જામનગર ગ્રામ્ય: રાઘવજી પટેલ
78-જામનગર ઉત્તર: રિવાબા જાડેજા
79-જામનગર દક્ષિણ: દિવ્યેશ અકબરી
80-જામજોધપુર: ચીમનભાઇ શાપરિયા
82-દ્વારકા: પબુભા માણેક
