સોયલ ટોલનાકા નજીક જુની અદાવતમાં યુવાનની હત્યાનો પ્રયાસ.
સમાધાનની ના પાડતા શકીલ જખરાએ પાઇપ ફટકાર્યાની રાવ : હત્યાની કોશીશની ફરિયાદ
દેશ દેવી ન્યુઝ જામનગર 14.જામનગર ધ્રોલ હાઈવે પર આવેલા સોયલ ટોલનાકા પાસે જુની અદાવતમાં યુવાન ઉપર લોખંડના પાઈપ વડે ખુની હુમલો કર્યાની પોલીસ ફરિયાદ નોંધાઈ છે.
ધ્રોલ તાલુકાના ધ્રાંગડા ગામમાં રહેતા કરશનભાઈ બેચરભાઈ ચાવડા (ઉ. વ. પ૬) નામના આધેડના ભત્રીજાને દશેક માસ અગાઉ આરોપી શકીલ રહેમાન જખરા સાથે બોલાચાલી થઈ હતી જે અંગે ભત્રીજાએ સમાધાન કરી લીધું હતું.
પરંતુ આધેડના પુત્ર જીતેન્દ્રભાઈ (ઉ.વ. ૩૦)એ સમાધાન કર્યું ન હતું. જે બાબતનો ખાર રાખીને યુવાન જીતેન્દ્રભાઈ સોયલ ટોલનાકા પાસેથી પસાર થતાં આરોપી શકીલએ લોખંડના પાઈપ વડે હુમલો કરીને માથાના ભાગે ગંભીર ઈજા પહોંચડીને હત્યાનો પ્રયાસ કર્યાની પોલીસ ફરિયાદ નોંધાઈ છે.
