મહિલા કર્મચારીનો હાથ પકડી જબરદસ્તી કર્યાની ફરીયાદ નોંધાવતા ખળભળાટ
- દેવભૂમી દ્વારકા માં એસટીના ATI (આસિસ્ટન્ટ ટ્રાફિક ઇન્સ્પેક્ટર) એ કરી મહિલા કંડેકટરની છેડતી
- મહિલા કંડેકટર ના ઘરે જઇ આબરુ લેવાનો પ્રયાસ
દેશ દેવી ન્યૂઝ જામનગર તા. ૧૯ માર્ચ ૨૪ દ્વારકા એસ.ટી. વિભાગમાં ફરજ બજાવતા એક કર્મચારીએ મહિલાની છેડતી કરતા આ અંગે દ્વારકા પોલીસ મથકમાં ગુનો નોંધાયો છે.
દ્વારકા પોલીસ મથકમાં નોંધાવવામાં આવેલી ફરિયાદ મુજબ દ્વારકામાં રહેતા અને એસ.ટી. વિભાગના આસિસ્ટન્ટ ટ્રાફિક ઇન્સ્પેક્ટર તરીકે ફરજ બજાવતા દેવાભાઈ હાથીયા દ્વારા ગઈકાલે સોમવાર તારીખ ૧૮ ના રોજ સવારના સમયે એક મહિલા કર્મચારીની આબરૂ લેવાના ઈરાદાથી તેણીનો હાથ પકડી, તેની સાથે જબરદસ્તી કરવામાં આવી હતી. જે અંગે મહિલા કર્મચારીની ફરિયાદ પરથી દ્વારકા પોલીસ મથકમાં દેવાભાઈ હાથીયા સામે આઈપીસી કલમ ૩૫૪ મુજબ ગુનો નોંધાયો છે. જે પ્રકરણમાં આગળની તપાસ પી.એસ.આઈ. આર.પી. રાજપુત દ્વારા હાથ ધરવામાં આવી છે.
તસ્વીર /અહેવાલ : હાદિક નારોલા
