જામનગરના વધુ એક ડેન્જર પર્સન એવા નામચીન શખ્સ સામે પાસા નું શસ્ત્ર ઉગમતા એસ.પી; જેલમાં ધકેલાયો
દેશ દેવી ન્યૂઝ જામનગર તા પ એપ્રિલ, ૨૫ જામનગર શહેરમાં ડેન્જર પર્સન ગણાતા એવા વધુ એક શખ્સ સામે જામનગરના એસપી દ્વારા પાસાનું શસ્ત્ર ઉગામવામાં આવ્યું છે, અને તેની એલસીબી મારફતે અટકાયત કરી લઇ વડોદરાની જેલમાં ધકેલી દેવાયો છે.
જામનગરમાં નવાગામ ઘેડ વિસ્તારમાં રહેતા રોહિત વિશાલભાઈ ઉર્ફે સદામભાઈ શિંગાળા (ઉંમર વર્ષ ૨૫) કે જેની સામે શરીર સંબંધી બે ગુન્હા નોંધાયેલા છે, જે ડેન્જર પર્સન સામે એલસીબી ની ટીમ દ્વારા પાસાની દરખાસ્ત તૈયાર કરીને જિલ્લા પોલીસ વડા મારફતે જિલ્લા સમાહર્તા ને મોકલવામાં આવી હતી.
જેને જિલ્લા કલેકટર કેતન ઠક્કર દ્વારા મંજૂરીની મહોર મારવામાં આવી હતી . આથી એસ.પી. પ્રેમસુખ ડેલુના આદેશ અનુસાર એલ.સી.બી.ની ટુકડીએ રોહિત ને આજે સવારે પાસા હેઠળ અટકાયતમાં લઈ લીધો હતો, અને તેને વડોદરા ની જેલમાં ધકેલી દીધો છે.
