જામનગરમાં રામેશ્વર નગર વિસ્તારમાં રહેતા વિપ્ર યુવાન પર હુમલો કરાતા નાકમાંથી લોહી વહ્યા
- એક યુવતી સાથે વાતચીત કરવાના મામલે યૂવતિ ના કુટુંબી ભાઈ દ્વારા હુમલો કરાયા ની પોલીસ ફરિયાદ
- આરોપી : – નિઝામ સફીયા રહે. રહે.રાંદલનગર, જામનગર
દેશ દેવી ન્યૂઝ જામનગર તા ૧૦ માર્ચ ૨૪ જામનગરમાં રામેશ્વર નગર વિસ્તારમાં રહેતા એક યુવાન પર રિક્ષા સ્ટેન્ડમાં ઉભેલા એક શખ્સે નાક પર હુમલો કરી દેતાં ઇજા થઈ જવાથી તેને હોસ્પિટલમાં ખસેડાયો છે. પોલીસે હુમલાખોર સામે ગુન્હો નોંધ્યો છે.
આ બનાવની વિગત એવી છે કે જામનગરના રામેશ્વર નગર વિસ્તારમાં રહેતા સચિન રાજુભાઈ જોશી નામના ૧૮ વર્ષના યુવાને રાંદલ નગરમાં જ રહેતા નિઝામ સફિયા નામના શખ્સ સામે પોતાના નાક પર હુમલો કરી લોહી લુહાણ કરી નાખવા અંગે ની ફરિયાદ સિટી બી. ડિવિઝન પોલીસ મથકમાં નોંધાવી છે. જયારે તેને જામનગરની જી.જી. હોસ્પિટલમાં પ્રાથમિક સારવાર અપાઇ છે.
હુમલાખોર આરોપીએ ફરીયાદી યુવાનને રીક્ષા સ્ટેન્ડ પાસે રોકીને કહ્યું હતું, કે તું મારી કુટુંબી બેન સાથે શું કામ વાતચીત કરે છે, અને હવે જો વાતચીત કરશે, તો તને પતાવી નાખીશ તેમ કહી હુમલો કર્યો હોવાનું પોલીસમાં જાહેર થયું છે. હાલ આરોપી ભાગી છૂટ્યો હોવાથી પોલીસ તેને શોધી રહી છે. પોલીસે આઇ.પી.સી. કલમ-૩૨૩,૫૦૪,૫૦૬ (૨) મુજબ ગુનો નોંધી વધુ તપાસ હાથ ધરી છે.
