જામનગરમાં પાંચ વર્ષે ફરી કોંગો ફીવર સામે આવ્યો : કોંગો ફિવરથી આઘેડનું મોત: આરોગ્ય તંત્રમાં દોડધામ
-
પંચેશ્ર્વર ટાવર વિસ્તારમાં રહેતા એક આઘેડે એક અઠવાડીયાની સારવાર બાદ ગઈકાલે લીધા છેલ્લા શ્ર્વાસ: મૃત્યુ પછી રિપોર્ટે પોઝીટીવ આવ્યો
- જામનગરમાં પાંચ વર્ષ પછી ફરી કોંગો રોગના વાયરસ દેખાતાં ફફડાટ વ્યાપી ગયો છે.
દેશ દેવી ન્યૂઝ જામનગર તા. ૨૮ જાન્યુઆરી ૨૫ જામનગર શહેરમાં પંચેશ્ર્વર ટાવર વિસ્તારમાં રહેતા ૫૦ વર્ષિય એક આઘેડનું કોંગો ફિવરને કારણે મૃત્યુ થતાં આરોગ્યતંત્રમાં દોડદામ વ્યાપી ગઈ હતી. આરોગ્ય વિભાગના સૂત્રોમાંથી જાણવા મળતી વિગતો મુજબ પંચેશ્ર્વર ટાવરના ભરવાડ પાડામાં રહેતા મોહનભાઈ મેરૂભાઈ કટોરિયા નામના ૫૦ વર્ષિય આઘેડને તાવ આવતાં તેમને જામનગરની ગુરૂ ગોવિંદસિંઘ હોસ્પિટલમાં ખસેડવામાં આવ્યા હતા. અને તેમનું ગઈકાલે સારવાર દરમિયાન મૃત્યુ નિપજ્યુ હતું.
તેમના વિવિધ રિપોર્ટસ કરાવવામાં આવ્યા હતાં. જેમાં કોંગો ફીવર પોઝીટીવ હોવાનું જણાઈ આવ્યુ હતું. જે કોંગો ફીવર રિપોર્ટ બાદ જામનગર મહાનગરપાલિકાનું આરોગ્ય તંત્ર પણ આજે હરકતમાં આવ્યું હતું, અને સંક્રમિત દર્દીના રહેણાંક વિસ્તારમાં દવાના છંટકાવ તેમજ સર્વે સહિતની કામગીરી હાથ ધરી હતી.
જામનગરમાં ક્રિમીઅન-કોંગો હેમરેજિક ફીવરનો પ્રથમ કેસ વર્ષ ૨૦૧૯ માં નોંધાયો હતો. જેમાં સરકારી હોસ્પિટલના રેસીડેન્ટ મહિલા તબીબને કોંગો થયો હતો હવે ફરી પાંચ વર્ષ બાદ કોંગો વાયરસે દેખાતાં શહેરીજનોમાં ભારે ગભરાટનો માહોલ પ્રહરી ગયો છે.
કોંગો લાયરસના લક્ષણો : આ વાયસતી સંક્રમિત થનારા દર્દીઓમાં તાવની સાથે માંસ પેશીઓમાં દુ:ખાવો, માથાનો દુ:ખાવો અને ચકકર આવવા. સંક્રમણના ૨ થી ૪ દિવસ પછી ઉંઘ ન આવવી, ડિપ્રેશન અને પેટના દુ:ખાવાની ફરિયાદ મો, ગળા અને સ્કીન પર ફોલ્લીઓ થવી.
