લાલપુર તાલુકાના મીઠોઇ ગામના ૨૮ વર્ષના યુવાનનું ખાનગી લક્ઝરી બસ હેઠળ ચગદાઈ જતાં કરુણ મૃત્યુ
દેશ દેવી ન્યુઝ જામનગર તા ૨૨ ડીસેમ્બર ૨૩, લાલપુર તાલુકા ના મીઠાઈ ગામમાં રહેતા ૨૮ વર્ષ યુવાનને શુક્રવારે સાંજે મીઠોઈ ગામના પાટીયા પાસે એક ખાનગી લક્ઝરી બસના ચાલકે હડફેટમાં લઇ ચગદી નાખતાં ગંભીર ઈજા થવાથી તેનું કરુણ મૃત્યુ નીપજયું છે.
આ અકસ્માતના બનાવની વિગત એવી છે કે લાલપુર તાલુકાના મીઠોઈ ગામમાં રહેતો ભગીરથસિંહ ભીખુભા જાડેજા શુક્રવારે સાંજે ૫.૩૦ વાગ્યાના અરસામાં મીઠાઈ ગામના પાટીયા પાસે વાહનની રાહ જોઈને ઉભા હતા, જે દરમિયાન પુરપાટ ઝડપે આવી રહેલી જીજે-૩ એ.ઝેડ. ૫૯૭૨ નંબરની ખાનગી લક્ઝરી બસના ચાલકે હડફેટમાં લઈ ચગદી નાખતાં તેને હેમરેજ અને ફ્રેક્ચર સહિતની ગંભીર ઇજા થઈ હતી.જેને ૧૦૮ નંબરની એમ્બ્યુલન્સ મારફતે સારવાર માટે જામનગરની જી.જી. હોસ્પિટલમાં ખસેડાયા પછી તેનું મૃત્યુ નીપજયું હોવાનું તબીબો દ્વારા જાહેર કરાયું હતું.
આ બનાવ અંગે મૃતકના સંબંધી વિક્રમસિંહ વખતસિંહ જાડેજાએ પોલીસને જાણ કરતાં લાલપુર પોલીસે મૃતદેહ નો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે, જ્યારે ખાનગી લક્ઝરી બસના ચાલક સામે ગુનો નોંધી તેની શોધ ખોળ હાથ ધરી છે.
