લાલપુરના રંગપુર ગામમાંથી ૧૯ વર્ષની યુવતી લાપતા બની જતાં પરિવારજનોમાં ચિંતા : પોલીસમાં ગુમનોંધ કરાવાઈ
દેશ દેવી ન્યૂઝ જામનગર તા ૨૨ ફેબ્રુઆરી ૨૫, જામનગર જિલ્લાના લાલપુર તાલુકા ના રંગપર ગામમાં રહેતી વૈશાલીબેન આલાભાઇ કરમુર નામની ૧૯ વર્ષની અપરણિત યુવતી કે જે ગઈકાલે રાત્રે બે વાગ્યા ના અરસામાં પોતાના ઘેરથી એકાએક ગુમ થઈ ગઈ હતી. પરિવારજનો દ્વારા અનેક સ્થળે શોધખોળ કરવા છતાં કોઈ પત્તો સાંપડ્યો ન હતો.
આખરે યુવતી ના પિતા આલાભાઇ કરમુર દ્વારા જામનગર જિલ્લાના મેઘપર પોલીસ મથકમાં પોતાની પુત્રી વૈશાલી ગુમ થઈ જવા અંગેની ગુમનોંધ કરાવતાં મેઘપર પોલીસ દ્વારા તેણીની શોધખોળ ચલાવવામાં આવી રહી છે.
