સલાયામાંથી 4 કિલોથી વધુ ગાંજાના મોટા જથ્થા સાથે શખસ ઝડપાયો
- સલાયાનો શખસ પ્રતિબંધિત માદક પદાર્થ મુંબઇથી લઇ આવતો : એસ.ઓ.જી.એ ઝડપી લીધો
દેશ દેવી ન્યુઝ જામનગર તા.૧૫ નવેમ્બર ૨૨ ખંભાળિયા: દેવભૂમિ દ્વારકા જિલ્લામાં હાલ ચાલી રહેલી વિધાનસભાની ચૂંટણી અંગેની કામગીરી દરમિયાન એસ.ઓ.જી. પોલીસ સ્ટાફ દ્વારા જુદા જુદા વિસ્તારમાં પેટ્રોલિંગ કામગીરી કરવામાં આવી રહી છે. આ અંતર્ગત ખંભાળિયા તાલુકાના સલાયા પંથકમાં ગતરાત્રે એસ.ઓ.જી. વિભાગના ઇન્ચાર્જ પી.આઈ. પી.સી. સીંગરખીયાના માર્ગદર્શન હેઠળ કરવામાં આવી રહેલી કામગીરી અંતર્ગત ASI રાજભા જાડેજા તથા કરણભાઈ સોંદરવાને મળેલી ચોક્કસ બાતમીના આધારે સલાયાના હુસેની ચોક વિસ્તારમાં રહેતા અને માછીમારીના વ્યવસાય સાથે સંકળાયેલા મહમદમિયા જાવીદમિયાં ઈબ્રાહીમમિયા કાદરી નામના 24 વર્ષના મુસ્લિમ સૈયદ શખ્સના રહેણાંક મકાનના છુપાવીને રાખવામાં આવેલો 4 કિલો 190 ગ્રામ માદક પદાર્થ ગાંજાનો જથ્થો કબજે કર્યો હતો.
આરોપી શખ્સ ગાંજાનો આ જથ્થો મહારાષ્ટ્રથી અહીં લાવીને છૂટક વેચાણ કરતો હોવાનું ખુલવા પામ્યું છે. આ પ્રકરણમાં પોલીસે કુલ રૂપિયા 41,900 ની કિંમતનો માદક પદાર્થ ગાંજો કબજે લઈ, ઉપરોક્ત શખ્સની અટકાયત કરી, તેની સામે સલાયા મરીન પોલીસ મથકમાં NDPS એક્ટ મુજબ ગુનો નોંધવામાં આવ્યો હતો.
આ સમગ્ર કાર્યવાહી સી.પી.આઈ. ટી.સી. પટેલ, ઇન્ચાર્જ પી.આઈ. પી.સી. સીંગરખીયા, મહંમદભાઈ બ્લોચ, હરદેવસિંહ જાડેજા, રાજેન્દ્રસિંહ જાડેજા, ઈરફાનભાઈ ખીરા, હરપાલસિંહ જાડેજા, ભીખાભાઈ ગાગીયા, લખમણભાઈ આંબલીયા, વિગેરે દ્વારા કરવામાં આવી હતી.
