મહિલા વકીલ ઉપર લીંવીગ રીલેશનમાં રહેતા પ્રમીએ માથામાં આડેધડ ચાવીઓ ફટકારી: ભારે ચકચાર
- મહિલા વકીલના પ્રેમીએ અગાઉ પણ બે વાર પોલીસમાં અરજી કરી હોવાનું મનાય રહ્યું છે.
- ગઇકાલ બપોરનો બનાવ : મામલો પહોંચ્યો પોલીસ મથકે.
દેશ દેવી ન્યુઝ જામનગર તા.૨૯ ઓગસ્ટ ૨૨ જામનગરના રામેશ્વરનગર વિસ્તારના કિષ્ના પાર્કમાં રહેતા અને વકીલાતનો વ્યવસાય કરતા જાગૃતિબેન મનસુખલાલ જોગડીયા નામની મહિલા ઉપર કડીયાવાડમાં રહેતા વિશાલ ઉર્ફે ડેડુ કિશોરભાઈ લાખાણી નામના વ્યક્તિએ ફરીયાદીના ઘર પાસે આવી બેફામ ગાળો આપી માથાના ભાગે ચાવીઓના ચાર “ધા” ફટકારતા લોહી-લુહાણ હાલતમાં સારવાર લેવાનો વારો આવ્યો હતો.
બનાવની હકીક્ત મુજબ વકીલાતનો વ્યવસાય કરતા ફરીયાદી મહિલા વકીલ જાગૃતીબેન જોગડીયા અને આરોપી વિશાલ વચ્ચે પ્રેમ સંબધ હતો અને બંને લીવીંગ રીલેશનમાં સાથે રહેતા હતા પરંતુ છેલ્લા ઘણા સમયથી પ્રેમી વિશાલ અને મહિલા વકીલ વચ્ચે ઘરેલું અણબનાવ ચાલતો હોય જેને લઇ ગઇકાલ બપોરના ભાગે પ્રેમી વિશાલ મહિલા વકીલના ઘરે પહોંચી જઈ પોતાની કાર આપી દેતા બાબતે ઉગ્ર બોલાચાલી બાદ મામલો મારામારી સુધી પહોચ્યો હતો દેકારો બોલતા લોકોના ટોળા એકઠા થયા હતા જપા-જપીમાં મહિલા વકીલને પ્રેમીએ માથાના ભાગે ચાવીના ધા’ ફ્ટકારી દેતા લોહી લુહાણ હાલતમાં જી.જી હોસ્પિટલમાં ખસેડવામાં આવ્યા હતા.
ત્યા મહિલા વકીલને ઇજા થતા ડોક્ટરે ટાંકાની સર્જરી કરી સારવાર અપાઈ હતી બનાવની જાણ થતા સીટી-બી ડિવિઝન પોલીસ હોસ્પિટલ દોડી જઈ બનાવની વિગત મેળવી હતી બાદ મહિલા વકીલની ફરિયાદ પરથી આરોપી વિશાલ લાખાણી વિરૂદ્ધ IPC કલમ ૩૨૩, ૩૨૪, ૫૦૪, ૫૦૬ (૨) તથા જી.પી એકટની કલમ ૧૩૫ (૧) મુજબ ગુનોં નોંધી આરોપીની ધરપકડના ચકો ગતિમાન કર્યાં છે. વધુ તપાસ પો.કો જગદીશ મકવાણા ચલાવી રહ્યા છે. મહિલા ઉપર પ્રેમીના હુમલાને લઈ શહેરભરમાં ભારે ચર્ચા જગાવી છે.
