જામનગર શહેરમાં મકાનમાંથી ગાંજાનો 41 કિલો જથ્થા સાથે શખસ ઝડપાયો.
- નાસિકથી ગાંજાનો જથ્થો શખસ લાવતો હતો: પોલીસે એનડીપીએસ એક્ટની કલમ હેઠળ ગુનો નોંધ્યો.
- મહિલા સપ્લાયર આપાબાઈનું નામ ખુલતા તેની શોધળોળ.
દેશ દેવી ન્યુઝ જામનગર તા. ૨૮ ઓગસ્ટ ૨૨ જામનગર શહેરમાં રહેણાંક મકાનમાં ગાંજાનો માતબર જથ્થો નાસીકથી લાવી વેચાણ કરતા એસઓજીની ટીમે ઝડપી લીધો છે અને ગાંજાનો 41 કીલો ઉપરાંતનો જથ્થો કબ્જે કર્યો છે.
શહેરના કાલાવડ નાકા બહાર મોરકંડા રોડ, સનસીટી-૨, શેરી નં.-૪ માં રહેતો મંહમદહુસેન આમદભાઈ સમા વાળો ગેર કાયદેસર કૈફી માદક પદાર્થ ગાંજો પોતાના રહેણાંક મકાને રાખી વેચાણ કરે છે. જે અંગેની મળેલી બાતમીના આધારે એસ.ઓ.જી.ના ઈન્ચાર્જ પીઆઈ કે,જે.ભોયેની સુચનાથી પીએસઆઇ એ.એસ.ગરચરએ ટીમના દીનેશભાઈ સાગઠીયા, ચંન્દ્રસિહ જાડેજા સહિતની ટીમે દરોડો પાડયો હતો. દરોડા દરમિયાન મંહમદહુસેન આમદભાઈ સમાના રહેણાંક મકાન માંથી ગે.કા. માદક પદાર્થ ગાંજો કુલ ૪૧ કીલો ૩૦૦ ગ્રામ કી.રૂ. ૪,૧૩,૦૦૦/- તથા અન્ય મુદામાલ મળી કુલ કી..૪,૧૮,૦૦૦/- સાથે પકડેલ અને પુછપરછ દરમ્યાન આ ગાંજો મહારાષ્ટ્ર, નાશીક ખાતેથી લાવેલનું જણાવ્યું હતું. જેથી મજકુર ઇસમ વિરૂધ્ધ સીટી એ ડીવી. પો.સ્ટે, એન.ડી.પી.એસ. એકટ મુજબ ગુનો દાખલ કરાવેલ છે. વધુ તપાસ દરબારગઢ ચોકીનો PSI નિશાંત હરિયાણી ચલાવી રહ્યા છે.
