રાષ્ટ્રપતિની ચૂંટણીમાં NDAના ઉમેદવાર દ્રૌપદી મુર્મૂની ઐતિહાસિક જીત
દેશના પ્રથમ આદિવાસી મહિલા રાષ્ટ્રપતિ બન્યા દ્રૌપદી મુર્મૂ
દેશ દેવી ન્યુઝ ૨૧ જુલાઇ ૨૨ આજે દેશના રાષ્ટ્રપતિની ચૂંટણીનું પરિણામ જાહેર થઇ રહ્યું છે, જેમાં દ્રોપદી મુર્મૂ જીતની નજીક પહોંચી ચૂક્યા છે. દેશભરમાં ભાજપ અને NDAના સમર્થકો દ્વારા ઉજવણી કરવામાં આવી રહી છે.
આજે સવારે 11 વાગ્યાથી મતગણતરી શરૂ થયા બાદ હવે ટુંક સમયમાં જ સત્તાવાર રીતે પરિણામ જાહેર થશે. આ તરફ હવે પ્રધાનમંત્રી મોદી નવા રાષ્ટ્રપતિ દ્રોપદી મુર્મૂની મુલાકાત લેશે. નવા રાષ્ટ્રપતિ તરીકે દ્રોપદી મુર્મૂ 25 જુલાઈએ શપથ લેશે.
