જામનગરના હસમુખ હિંડોચાની ગોવા શીપયાર્ડ લી.માં સ્વતંત્ર ડાયરેકટર તરીકે નિમણુંક કરતી ભારત સરકાર
હસમુખ હિંડોચાની સંરક્ષણ વિભાગની કંપનીમાં ડાયરેકટર તરીકે નિમણુંક કરતી ભારત સરકાર
દેશ દેવી ન્યુઝ ૨૯.જામનગર મહાનગર ભારતીથ જનતા પાર્ટીનાં પૂર્વ અધ્યક્ષ હસમુખભાઇ હિંડોચાની ભારત સરકારે સંરક્ષણ વિભાગ હેઠળની ગોવા શીપ યાર્ડ લી. માં સ્વતંત્ર ડાયરેકટર તરીકે નિમણુંક કરેલ છે.
ગોવા શીપ યાર્ડ લી. મૂળભુત રીતે 1957 માં “ઇસ્ટેલેયર્સ નેવાઇસ ડી ગોવા” નામથી સ્થપાયેલ અને ત્યાર બાદ 1967 માં તે “ગોવા શીપ યાર્ડ લી. નું ભારત સરકારનાં સંરક્ષણ વિભાગનાં ડિપાર્ટમેન્ટ ઓફ ડિફેન્સ પ્રોડકશન અંતર્ગત સંચાલન થાય છે.
ગોવા શીપ યાર્ડ લી. નું રજીસ્ટ્રેશન તથા તેની કોર્પોરેટ ઓફીસ ગોવામાં છે. કંપની આઇ.એસ.ઓ.-9001 થી નોંધાયેલ છે. વાર્ષીક રૂા. 1100 કરોડ જેવું માતબર ટર્ન ઓવર ધરાવતી તેમજ 1300 થી વફુ એકઝીકયુટીવ તથા નોન એકઝીકયુટીવ કર્મચારી ધરાવતી વિશાળ કંપની છે.
જે દેશનાં સંરક્ષણ ક્ષેત્રે ખાસ કરીને “નેવી માટે જરૂરી ઉત્પાદનો કરે છે. સાથોસાથ ભારતનાં મિત્ર રાષ્ટ્રોમાં પોતાનાં ઉત્પાદનો નિકાસ કરે છે.
હસમુખ હિંડોચા પોતાની નાની ઉંમરે 1979 માં જનતા પાર્ટી યુવા મોરચામાં સક્રિય થયેલ. 1980 ભારતીય જનતા પાર્ટીની સ્થાપનાંથી જ પાર્ટીમાં સક્રિય કાર્યકર તરીકે જોડાયેલા. બુથ પ્રમુખ, વોર્ડ પ્રમુખ થી જામનગર મહાનગરનાં પ્રમુખ તરીકે સતત સાત વર્ષ કરતાં વધુ સફળતાથી નિર્વિવાદ પોતાની સેવાઓ આપેલ. 2006 થી 2012. એમ પાંચ વર્ષ કરતાં વધુ સમય નગર પ્રાથમિક શિક્ષણ સમિતિનાં અધ્યક્ષ તરીકે યાદગાર કામગીરી કરેલ.
તેઓ નાનપણથી જ આર.એસ.એસ. સાથે જોડાયેલા હોવાથી હંમેશા પોતાનાં કાર્યક્ષેત્રમાં શિસ્ત અનુસાશનનાં સતત આગ્રહી રહ્યા છે.
શહેર ભાજપનાં પૂર્વ અધ્યક્ષ અને અગ્રણી કાર્યકર્તા હસમુખ હિંડોચાની ભારત સરકારનાં સંરક્ષણ વિભાગ હેઠળની કંપનીમાં ડાયરેકટર તરીકે મહત્વની જવાબદારી સોંપતા શહેર ભાજપના અધ્યક્ષ ડો. વિમલભાઇ કગથરા, સાસંદ પૂનમબેન માડમ, પૂર્વ મંત્રી – ધારાસભ્ય આર.સી.ફળદુ, પૂર્વ મંત્રી – ધારાસભ્ય ધર્મેન્દ્રસિંહ જાડેજા (હકુભા), મેયર બિનાબેન કોઠારી, મહામંત્રીઓ પ્રકાશભાઇ બાંભણીયા, વિજયસિંહ જેઠવા, ડે. મેયર તપનભાઇ, શા. પક્ષનાં નેતા કુસુમબેન, કોર્પોરેટરો, પક્ષનાં હોદ્ેદારો, મીડિયા સેલના કિશન વઢવાણા, શિક્ષણ સમિતિનાં સભ્યો સહિત પાર્ટીનાં કાર્યકરો આ ગૌરવભરી નિમણુંકને આવકારી મા. વડાપ્રધાન સહિત પાર્ટીનાં વરિષ્ઠ નેતૃત્વનો આભાર વ્યક્ત કરેલ અને નિમણુંક મેળવનાર હસમુખભાઇને સૌએ અભિનંદન આપી શુભકામનાઓ પાઠવેલ છે. એમ એક અખબારી યાદીમાં ભાજપ મિડિયા સેલ દ્વારા જણાવવામાં આવેલ છે.
