નાના આસોટામાં યુવાનની ધોકા ફટકારી બે શખ્સોએ નિપજાવી હત્યા..
અગાઉનું મનદુખ કારણભૂત બંને શખ્સોની ધરપકડ: પરિવારમાં શોકનું મોજું
દેશ દેવી ન્યુઝ નેટવર્ક તા . ૨૭ ખંભાળિયાના નાના આસોટા ગામમાં રહેતા એક આહિર યુવાન પર ગઈકાલે સવારે અગાઉની માથાકૂટનો ખાર રાખી બે શખ્સો ધોકા વડે હુમલો કરી મરણતોલ માર માર્યો હતો. બેફામ માર ને કારણે તેમનું ગંભીર હાલતમાં કરૂણ મૃત્યુ થયું હતું..
ખંભાળિયાની આસોટા ગામમાં રહેતા કરશનભાઈના સગાભાઈ આંબલીયા નામના યુવાન સાથે અગાઉ નાના મોટા ગામના જ દેવાણંદ કરશન ખુટી ઉર્ફે દેવલાને કોઈ બાબત બોલાચાલી થઈ હતી.
આ બાબતનો ખાર રાખી ગઈકાલે સવારે સાડા સાતેક વાગ્યે કરશનભાઈ જ્યારે હકા મહારાજના ખેતર પાસેથી જતા હતા ત્યારે તેઓને દેવાણંદ તથા હકા ઉર્ફે જીવા કરશન ખુટીએ રોકી લઈ ઝઘડો શરૂ કર્યો હતો .
આ બન્ને શખ્સોએ ધોકા વડે હુમલો કરી કરશનભાઈને જીવલેણ માર માર્યો હતો. બન્ને પગ તથા ડાબા હાથમાં કરશનભાઈને ગંભીર ઈજા થઈ હતી.ગંભીર માર મારી બંને શખ્સો પલાયન થઈ ગયા હતા.
ગંભીર ઈજા પામેલા કરશનભાઈને સારવાર માટે ખંભાળિયા તથા ત્યાંથી વધુ સારવાર માટે જામનગરની જી . જી હોસ્પિટલમા ખસેડવામાં આવ્યા હતા જ્યાં તેઓનું સારવારમાં મૃત્યુ નીપજયું હતું અને બનાવ હત્યામાં પલટાયો હતો આથી પોલીસે આઈપીસીની કલમ 302, 114,જી.પી એક્ટ ની કલમ 135 (૧) હેઠળ ગુનોં નોંધ્યો છે.
