ગુજરાતમાં સ્ટ્રીટ વેન્ડર એક્ટ લાગુ કરવાની માંગ, હાઇકોર્ટમાં અરજી કરવામાં આવી..
હાઈકોર્ટમાં દાખલ અરજીમાં રાજકોટ, અમદાવાદ, વડોદરા, સુરત, ભાવનગર અને જામનગરમાં નોનવેજની લારીઓ ઉપર લેવાયેલા પગલાં અંગે પણ ઉલ્લેખ કરાયો..
દેશ દેવી ન્યુઝ નેટવર્ક જામનગર રપ. ગુજરાતમાં લારી-ગલ્લા અને પાથરણાવાળાઓને પડી રહેલી મુશ્કેલીને લઈને એસોસિએશને ગુજરાત હાઈકોર્ટના દ્વાર ખખડાવ્યા છે. જેમાં એસોસિએશને હાઈકોર્ટમાં અરજી દાખલ કરી રાજ્યમાં સ્ટ્રીટ વેન્ડર એક્ટ લાગુ કરવાની માગ કરી છે.
આ અરજીમાં અરજદારે રજૂઆત કરી છે કે, કોઈપણ પ્રકારના સર્ક્યુલર વિના સ્વ-રોજગારી કરતા અને સંવૈધાનિક હક ધરાવતા લોકોના હક્ક છીનવી શકાય નહીં,
રાજ્ય સરકાર આ નિર્ણયથી અનેક લારી-ગલ્લા પર નિર્ભર રોજમદારો બેરોજગાર થયા છે.હાઈકોર્ટમાં દાખલ અરજીમાં રાજકોટ, અમદાવાદ, વડોદરા, સુરત, ભાવનગર અને જામનગરમાં નોનવેજની લારીઓ ઉપર લેવાયેલા પગલાં અંગે પણ ઉલ્લેખ કરાયો છે.અરજદારે તંત્ર દ્વારા તાજેતરમાં જે લારી ગલ્લા જપ્ત કરવામાં આવ્યા હતા તે તાત્કાલિક મુક્ત કરવાની માગ કરી છે.
