ભાણવડ પંથકમાં દારૂના દરોડામાં પોલીસકર્મી ઉપર બુટલેગરનો હુમલો..
ઘુમલી ગામે રાણીવાવ નેસ વિસ્તારમાં આરોપી શખસ દ્વારા પોલસ કસ્ટડી ટાળવા હેડ કોન્સ્ટેબલ સહિત પોલીસપાર્ટી ઉપર હુમલો..
દેશ દેવી ન્યુઝ નેટવર્ક જામનગર ૧૦.ભાણવડ તાલુકાના ઘુમલી ગામે રાણીવાવ નેસ વિસ્તારમાં રહેતા રત્ના મુળુભાઈ ચાવડા નામના શખ્સ પાસે દેશી દારુનો જથ્થો હોવાની બાતમીના આધારે ભાણવડ પોલીસ સ્ટેશનના હેડ કોન્સ્ટેબલ કિશોરસિંહ ચંદુભા જાડેજા સહીતના પોલીસ કાફલા દ્વારા દારુ અંગે દરોડો પાડવામાં આવ્યો તે દરમિયાન રત્ના મુળુભાઈ ચાવડા પાસેથી દેશી દારુના ચાર પાઉચ મળી આવતા પોલસ કસ્ટડી ટાળવા માટે ઉશ્કેરાયેલા શખ્સે હેડ કોન્સ્ટેબલ કિશોરસિંહને જાનથી મારી નાખવાની ધમકી આપી છુટવા માટે ઝપા-ઝપી કરી પથ્થર વડે હુમલો કરતાં પોલીસકર્મીને માથામાં ઈજાઓ પહોચતા લોહીલુહાણ હાલતમાં સારવાર અર્થે ભાણવડની હોસ્પિટલમાં ખસેડવામાં આવતા તેઓને નવ ટાંકાઓ આવ્યા હતા
આ સમગ્ર બનાવ અંગે ભાણવડ પોલીસ સ્ટેશને હેડ કોન્સ્ટેબલની દરિયાદ ઉપરથી રત્ના ચાવડા નામના શખ્સ વિરુધ 323,324,506(2) મુજબ ગુન્હો નોંધી આગળની કાર્યવાહી હાથ ધરી હતી.
