કાનલુસમાં ભાભી સાથે રકઝક થયા બાદ યુવાનને જિંદગી ટુંકાવી
દેશ દેવી ન્યુઝ નેટવર્ક જામનગર ૧૮. : દડીયા ગામે સીણાભાઈની દુકાન પાસે રહેતા નાનજીભાઈ ગોવિંદભાઈ સીંગરખીયા, ઉ.વ.37 એ મેઘપર પોલીસ સ્ટેશનમાં જાહેર કરેલ છે કે, તા.16-10-21ના નિતેષભાઈ ગોવિંદભાઈ સીંગરખીયા, ઉ.વ.રપ, રે. કાનાલુસ ગામ, રેલ્વેસ્ટેશન પાસે, તા.લાલપુર વાળા પોતાના ગામ સોઢાણા ખાતે તેના પિતાને ખર્ચાના પૈસા આપવા માટે ગયેલ જયાં કૌટુંબીક ભાભી હંસાબેન સીંગરખીયાને એક વર્ષ પહેલા આઠ હજાર રૂપિયા નિતેષભાઈએ ઉછીના આપેલા છે.
પૈસા લેવા ગયેલ તે દરમ્યાન હંસાબેનએ રકઝક કરી બોલાચાલી કરી પોલીસમાં ફોન કરતા નિતેષભાઈ ગભરાઈ જઈ કાનાલુસ ગામે પરત આવી પોલીસ પકડશે તો પોતાની તથા પરીવારની આબરૂ જશે તે બીકમાં પોતાની જાતે ઝેરી દવા પી જતા સારવાર દરમ્યાન મરણ થયેલ છે.
