ભાણવડ પંથકના મોરઝરમા કથિત પ્રેમસંબંધનો આક્ષેપ કરી યુવાન ઉપર હુમલો: ચાર સામે ફરિયાદ
દેશ દેવી ન્યુઝ નેટવર્ક ૧૪. ખંભાળિયા : ભાણવડ તાલુકાના મોરઝર ગામે રહેતા જીગરભાઇ ભીખુભાઇ કદાવલા નામના 27 વર્ષના સગર યુવાન ગત તારીખ 1રના રોજ રાત્રીના અગિયાર વાગ્યે આ ગામની ગરબીમાં ગયા હતા.
ત્યારે આ જ વિસ્તારના રહીશ વિમલ ઉર્ફે ગુગો જેમૈયાભાઇ પરમાર, કમલેશભાઇ ઉર્ફે કલો બુધાભાઇ રાઠોડ, હિરેન પરમાર અને કૌશિકભાઇ બગડા નામના ચાર શખ્સોએ આ વિસ્તારના રહીશ એવા એક આસામીની પુત્રી સાથે પ્રેમસંબંધ રાખવા અંગેનું પુછતા ફરીયાદી જીગરભાઇએ ના કહી હતી.
જે બાબતે બોલાચાલી કરી, આરોપીઓએ જીગરભાઇને બેફામ માર મારી, જાનથી મારી નાખવાની ધમકી આપી હતી. આ ઉપરાંત તેમને ફેકચર સહિતની ઇજાઓ પહોંચાડી હતી.
આ બનાવ અંગે ભાણવડ પોલીસે ચારેય શખ્સો સામે આઇ.પી.સી. કલમ 325, 323, 504, 506(2), 114 તથા જી.પી.એકટની કલમ મુજબ ગુનો નોંધી ધોરણસરની કાર્યવાહી હાથ ધરી છે.
