જામનગરમાં યુવાન ઉપર હિચકારો હુમલો: 8 અજાણ્યા શખ્સો સામે ફરિયાદ
દેશ દેવી ન્યુઝ નેટવર્ક જામનગર : જામનગરમાં નાગનાથ ગેટ વિસ્તારમાં ગત રાત્રીના સમયે સાજીદ મહંમદહુસેન મકવાણા નામના 27 વર્ષના યુવાન પર આઠ જેટલા અજાણ્યા શખ્સોએ ધારદાર હથિયાર વડે હિચકારો હુમલો કરી દીધો હતો.
જેથી સાજીદ લોહીલુહાણ થઇ ને ત્યાંજ ઢળી પડ્યો હતો. આ બનાવની જાણ થતાં ઇજાગ્રસ્ત ના પરિવાર તથા આડોશી પાડોશી વગેરેએ સાજીદ ને એક રિક્ષામાં બેસાડીને સારવાર માટે જામનગરની જી.જી.હોસ્પિટલમાં લઈ ગયા હતા.
આ બનાવ અંગેની જાણ થવાથી સીટી બી ડીવીઝન ની પોલીસ ટુકડી ઘટનાસ્થળે દોડી ગઇ છે, અને હુમલાના બનાવ અંગે વધુ તપાસ હાથ ધરી છે. હુમલાખોરો ભાગી છૂટયા હોવાથી તેઓની શોધખોળ ચલાવવામાં આવી રહી છે.
