જામનગરના ચૌહાણ ફળીની યુવતિને પ્રેમલગ્નના ત્રણ મહિનામાં જ પતિએ છોડી દીધી
યુવતી અને તેના પરિવારને પતાવી દેવાની ધમકી આપતા પોલીસ ફરિયાદ
દેશ દેવી ન્યુઝ નેટવર્ક જામનગર: જામનગરમાં ચૌહાણ ફળી વિસ્તારમાં રહેતી 23 વર્ષીય એક યુવતી કે જે અગાઉ રણજીત રોડ પર એક કાપડના શો રૂમ માં નોકરી કરતી હતી.
જે દરમિયાન તેજ શોરૂમમાં કાપડની હેરાફેરી માટે ડ્રાઇવિંગ કામ કરતા જયેશ ભાષ્કરભાઈ પંડયા નામના સહકર્મચારી સાથે મિત્રતા થઈ હતી, અને બંનેએ મૈત્રી કરાર કરી લીધા હતા.
જે પ્રેમ સંબંધ ત્રણ મહિના ચાલ્યો હતો. ત્યાર પછી જયેશે પોતાની પત્નીને તરછોડી દીધી હતી. જેથી તેણી પોતાના માવતરે આવી ગઈ છે. જ્યાં પણ પતિ દ્વારા મોબાઈલ ફોન કરી અવારનવાર ત્રાસ ગુજારવામાં, આવતો હતો.
દરમિયાન ગઈકાલે રાત્રે જયેશ પંડયા ફરીથી મોબાઈલ ફોન કરીને તેં મારો માલ પકડાવી દીધો છે, તેમ કહી ધાકધમકી ઉચ્ચારી, માતા પિતાને પતાવી દેવા ની ધમકી આપતાં આખરે મામલો સીટી એ ડીવીઝન પોલીસ મથકમાં લઈ જવાયો હતો.
જેની સામે પોલીસે આઈપીસી કલમ 504 અને 506-2 મુજબ ગુનો નોંધ્યો છે, અને આરોપીની શોધખોળ હાથ ધરી છે. આરોપી ના ત્રાસના કારણે યુવતીને નોકરી છોડી દેવાની ફરજ પડી છે, અને પોતાના ઘરમાં જ રહે છે.
