પત્નિની નજર સામે પતિનું કમકમાટીભર્યુ મોત
પીપરટોડા પાસે બાઈક ગાડાને ઓવરટેક કરવા જતા બાઈક-કાર વચ્ચે અકસ્માત સર્જાતા પત્નિની નજર સામે પતિનું મૃત્યુ
જામનગર : જામજોધપુર તાલુકાના સડોદર ગામે રહેતા ડાયાભાઈ રવેરામભાઈ તૈરેયા, ઉ.વ.66 એ લાલપુર પોલીસ સ્ટેશનમાં જાહેર કરેલ છે કે, તા.17-8-ર1ના આ કામે મરણજનાર જીતુભાઈ સામજીભાઈ તૈરેયા, ઉ.વ.4પ, રે. સડોદર ગામ, તા.જામજોધપુરવાળા તેમજ તેના પત્ની જયોતીબેન તેમનું મોટરસાયકલ લઈલ જામનગર થી સડોદર બાજુ આવતા હોય ત્યારે પીપરટોડા ગામની આગળ બે કિ.મી. બળદ ગાડાની આગળ ઓવરટેક કરવા જતા બળદ ગાડાની ઘોસરી જીતુભાઈની મોટરસાયકલમાં ભટકાતા બંન્ને નીચે પડી જતા સામેથી આવતી ફોરવ્હિલનું ટાયર જીતુભાઈના માથામા તથા શરીર પર ફરી વળતા મૃત્યુ નિપજયું હતું.
