કંડોરણા ગામે ખાનગી કંપનીમાં વાહન ન રાખવામાં આવતા બે શખ્સો દ્વારા કર્મચારીને મારી નાખવાની ધમકી
ખંભાળિયા: ખંભાળિયા તાલુકાના કંડોરણા ગામે આવેલી સુઝલોન કંપનીમાં ગાડી કોન્ટ્રાક્ટમાં ન રાખવામાં આવતા આ અંગેનું મનદુ:ખ રાખી, ખંભાળિયા તાલુકાના બજાણા ગામના રહીશ કારૂ અરશી ચુડાસમા અને ભરત રાણા ચુડાસમા નામના બે શખ્સોએ કંપની વિસ્તારમાં બે વખત આવી અને 66 કેવી સબ સ્ટેશનમાં ફરજ બજાવતા કર્મચારીઓ હિરેનભાઈ નંદાણીયા અને દિનેશભાઈ કરમુરને બિભત્સ ગાળો કાઢી, જાનથી મારી નાખવામાંની ધમકી આપી હોવાની ધોરણસર ફરિયાદ જગદીશભાઈ ઉકાભાઇ ચાડ (રહે. જામનગર)એ અહીંની પોલીસમાં નોંધાવી છે.
ખંભાળિયા પોલીસે બજાણાના બન્ને શખ્સો સામે આઈ.પી.સી. કલમ 504, 506 (2) તથા 114 મુજબ ગુનો નોંધી, ધોરણસર કાર્યવાહી હાથ ધરી છે.
