વિભાપરમાં પ્રેમ પ્રકરણમાં બબાલ: પ્રેમિકા સાથે આવેલા શખ્સને પત્નિ અને પડોશીએ લમધાર્યા
પ્રેમીયુગલ ઘાયલ થતાં સારવારમાં ખસેડાયા
મહિલા સહિત ત્રણ સામે પોલીસ ફરિયાદ
દેશ દેવી ન્યુઝ નેટવર્ક જામનગર: જામનગર તાલુકાના ખીમરાણા ગામ માં રહેતા અને કડિયા કામ કરતા છગનભાઈ કાનજીભાઈ માંડવીયા લગ્ન અગાઉ વિભાપર ગામ ની ગીતાબેન નામની મહિલા સાથે થયા હતા, અને પતિ-પત્ની તરીકે બંને સાથે રહેતા હતા. પરંતુ છેલ્લા દોઢેક મહિનાથી પતિ-પત્ની વચ્ચે ખટરાગ થયો હતો, અને પતિ છગનભાઈ વિભાપર ના બદલે ખિમરાણા ગામે રહેવા ચાલ્યા ગયા હતા.
જયાં છગનભાઈ ને રંજનબેન નામની અન્ય એક યુવતી સાથે પ્રેમસંબંધ થઈ જતાં તેણીની સાથે મૈત્રી કરાર કરી લીધા હતા, અને બંને ખીમરાણા ગામેં સાથે રહેતા હતા. જેથી ગીતાબેન અને છગનભાઇ વચ્ચે ખટરાગ ચાલતો હતો. દરમિયાન ગઇકાલે છગનભાઈ પોતાની સાથે કડિયા કામ કરતા રમેશભાઇ વિભાપર ગામમાં રહે છે.
તેને મળવા માટે પોતાની પ્રેમિકા રંજનબેન ને લઈને આવ્યા હતા, દરમિયાન છગનભાઈ ની પત્ની ગીતાબેન તથા અન્ય પાડોશીઓ મુકેશભાઈ ધવલભાઇ કોળી, અને ધવલભાઈ કોળી ને જાણકારી થઈ જતાં તેઓ રમેશભાઈ ના ઘર પાસે પહોંચ્યા હતા, અને છગનભાઇ સાથે તકરાર કરી હતી.
આ વેળાએ ત્રણેય શખ્સોએ છગનભાઈ ઉપર છરી અને ધોકા વડે હુમલો કરી દીધો હતો, ઉપરાંત રંજનબેન ને પણ મારકૂટ કરી દીધી હતી. જેથી બન્નેને સારવાર માટે જામનગરની
જી.જી.હોસ્પિટલમાં લઈ જવાયા હતા.
આ હુમલાના બનાવ અંગે છગનભાઈએ પોતાની પત્ની ગીતાબેન ઉપરાંત પાડોશીઓ મુકેશ ધવલભાઇ અને ધવલભાઈ કોળી સામે બેડી મરીન પોલીસ સ્ટેશનમાં હુમલા અંગેની ફરિયાદ નોંધાવતાં પોલીસે ત્રણેય આરોપીઓ સામે ગુનો નોંધી વધુ તપાસ હાથ ધરી છે. આ બનાવને લઇને વિભાપર ગામમાં ચકચાર જાગી છે.
