જામનગરની સાધના કોલોનીમાં બે વ્યક્તિ ઉપર હિચકારો હુમલો : ચાર સામે ફરિયાદ
દેશ દેવી ન્યુઝ નેટવર્ક જામનગર: જામનગરની સાધનાકોલોની ત્રીજો ગેઇટ બ્લોક નંબર એમ 42 ખાતે રહેતા ઉમેશ કાળુભાઈ ભદ્રુ ઉંમર વર્ષ 30 નામના યુવાને ગઈકાલે સીટી-એ ડિવિઝન માં સાધના કોલોનીમાં રહેતા હિતેશ ઉર્ફે સાકી ચાવડા,સંજય ઉર્ફે કારો મકવાણા, યુવરાજ ઝાલા,જયેશ ઉર્ફે ગરિયો નામના શખ્સો સામે જુદી-જુદી કલમ મુજબ ફરિયાદ નોંધાવી છે.
તારીખ 8 ના રોજ સાધનાકોલોની ત્રીજા ગેટ પાસે ફરિયાદીને આરોપી સંજય સાથે અગાઉ બોલાચાલી થઈ હોય જે બાબતનો ખાર રાખીને ઉપરોક્ત ચારેય આરોપીઓએ સફેદ કલરની બ્રેજા ગાડીમાં આવીને ફરિયાદી તથા સાહેદને ચારેય આરોપીઓએ અપશબ્દો બોલી લોખંડના પાઇપ વડે આડેધડ ઘા મારી ઇજા પહોંચાડી હતી તથા જાનથી મારી નાખવાની ધમકી આપી આરોપીઓએ એકબીજાને મદદગારી કરવા સબબ પોલીસે ગુનો નોંધી વધુ તપાસ હાથ ધરી છે.
