લાલપુરમાં કૂતુહુલ જગાવતી ચોરી: ચોર બીડીનું કાર્ટુન ચોરી ગ્યો..!
૯યો..બોલો ચોરી કરવાનો નવો કીમિયો બીડી ચોરી ભાગ્યા. !
દેશ દેવી ન્યુઝ નેટવર્ક જામનગર: લાલપુરમાં વિરોજા શેરીમાં રહેતા રાજેશ ચંદુભાઈ ભાલોડીયા નામના વેપારીએ પોતાના ઉમિયા એજન્સી નામના ગોડાઉનમાંથી કોઇ તસ્કરો રૂપિયા 18 હજારની કિંમતના સંભાજી બીડી ના પાર્સલ ની ચોરી કરી લઇ ગયાની ફરિયાદ પોલીસ મથકમાં નોંધાવી છે.
વેપારી દ્વારા પોતાના ગોદામમાંથી સામાન કાઢી ને દુકાનમાં ફેરવવામાં આવતો હતો, જે દરમિયાન થોડો સમય માટે ગોડાઉન નો દરવાજો લોક કર્યો ન હતો, અને માત્ર આગળીઓ માર્યો હતો.
જે તકનો લાભ લઈ કોઈ અજ્ઞાત શખ્સે અંદર પ્રવેશી બીડીનું કાર્ટુન ઉઠાવીને ભાગી છૂટયો હતો.
આ સમગ્ર મામલે લાલપુર પોલીસે ઉંડાણપૂર્વકની તપાસ શરૂ કરી છે, અને સીસીટીવી કેમેરા વગેરે ચેક કરતાં તેમાં એક શકમંદ કેદ થયો હોવાથી પોલીસે કેટલાક શકમંદો ને ઉઠાવી લઇ અને પૂછપરછ હાથ ધરી છે.
