જામનગર જીલ્લામાં જુગારના પાંચ દરોડામાં પાંચ મહિલા સહિત 26ની અટકાયત
જામનગર: જામનગર શહેર-જીલ્લામાં મળી પોલીસે જુગારના કુલ પાંચ દરોડા પાડ્યા છે જેમાં પાંચ મહિલા સહિત 26ની અટકાયત કરવામાં આવીછે. પાંચ દરોડામાં રૂા.65 હજારથી વધુ રોકડ રકમ જપ્ત કરાઇ હતી.
પ્રથમ દરોડો
જામજોધપુરમાં દોઢીયાવાડી વિસ્તારમાં રહેતી ચેતનાબેન હર્ષદભાઈ ઘેટીયા નામની મહિલાના રહેણાંક મકાન માં જુગાર રમાઈ રહ્યો હોવાની બાતમીના આધારે પોલીસે દરોડો વાડી માલિક ચેતનાબેન હર્ષદભાઈ ઉપરાંત મંગળાબેન ચંદુભાઈ નનેરા, સંતોકબેન કેશુભાઈ ચોટલીયા તેમજ ઉકાભાઈ ધરમશીભાઈ આંબલીયા વગેરેની અટકાયત કરીને તેઓ પાસેથી 19,790 ની રોકડ રકમ અને જુગારનું સાહિત્ય કબજે કર્યા છે.
બીજો દરોડો
પવનચક્કી વિસ્તારમાં બાવા વાડ પાસે પાડવામાં આવ્યો હતો. ત્યાંથી જાહેરમાં ગંજીપાના વડે જુગાર રમી રહેલી સલમાબેન સિરાજ ભાઈ સુમરા, સલમાબેન સિકંદર ભાઈ, ઉપરાંત શ્યામ રમણીકલાલ છુછીયા, ભરત રમેશભાઈ ચોરાસી, નિખિલ વિજયભાઈ નંદા, નારણભાઇ ભરત નંદા, સિકંદર હાજીભાઇ દોદેપોત્રા, અને કમલેશ કાનાભાઈ ચોરાશી ની અટકાયત કરી લઇ તેઓની પાસેથીરૂપિયા 36,180ની રોકડ રકમ અને જુગારનું કબજે કર્યો છે.
ત્રીજો દરોડો
જામનગરમાં રંગવાલા હોસ્પિટલ પાસે પાડવામાં આવ્યો હતો, જ્યાંથી જાહેરમાં ઘોડીપાસા વડે હારજીતનો જુગાર જુગાર રમી રહેલા યાકુબ મામદભાઇ ગરાણા સહિત સાત આરોપીઓને પોલીસે પકડી પાડી તેઓ પાસેથી રૂપિયા 11250 ની રોકડ રકમ અને જુગારનું સાહિત્ય કબ્જે કર્યું છે.
ચોથો દરોડો
સિક્કામાં જુગાર રમી રહેલા ફરીદ ઈબ્રાહીમ ચૌહાણ સહિત ત્રણ આરોપી ને રૂપિયા 33,00ની રોકડ અને જુગારના સાહિત્ય સાથે પકડી પાડયા છે.
પાંચમો દરોડો
જામનગરમાં જીજી હોસ્પિટલ રોડ પરથી જુગાર રમી રહેલા (1) હિતેશભાઇ બટુકભાઇ ગુજરાતી (2) માવજી કાનજીભાઇ સોલંકી (3) અનોપસિંહ ગંભીરસિંહ જાડેજા (4) જીતેશ શાંતીલાલ તન્ના (5) પરેશભાઇ વ્રજલાલ ઘુંચલા પાંચ શખ્સોને પોલીસે પકડી પાડયા છે, અને તેઓ પાસેથી રૂપિયા 5,780 ની રોકડ રકમ કબજે કરી છે.
