ગોંડલ શહેર ભાજપ પ્રમુખ અને મંત્રી સામે ગુનો દાખલ.!
જન સેવા કેન્દ્રની જલસા કેન્દ્ર બનાવી બર્થડે પાર્ટી ઉજવનાર સામે કાયદેસરની કાર્યવાહી.!
દેશ દેવી ન્યુઝ નેટવર્ક : સોશિયલ મીડિયામાં વાયરલ થયેલ વિડિયોમાં સરકારી જનસેવા કેન્દ્રની અંદર આગેવાન અને કાર્યકર્તા દ્વારા બર્થ-ડે પાર્ટીની ઉજવણી કરવામાં આવી હોય તેવા ફોટો સોશિયલ મીડિયામાં વાઇરલ થતાં સીટી પોલીસ દ્વારા ગોંડલ શહેર પ્રમુખ અને મંત્રી વિરુદ્ધ ગુનો નોંધી આગળની કાર્યવાહી હાથ ધરવામાં આવી.!
સુત્રોમાંથી જાણવા મળતી વિગત મુજબ ગોંડલ શહેર પ્રમુખ ચંદુભાઇ દુધાત્રા અને મંત્રી બિપીન નિમાવત દ્વારા પોતાના જન્મદિવસ નિમિત્તે જેલ ચોક ખાતેના જનસેવા કેન્દ્રમાં જન્મદિવસની કેક કાપી સોશિયલ ડિસ્ટન્સના ધજાગરા ઉડાવી જલસા કેન્દ્ર બનાવી ને અવતરણ દિન ઉજવવામાં આવ્યો હતો.!
જેના ફોટો સોશિયલ મીડિયામાં ખૂબ જ વાઇરલ થયા હતા પોલીસને ધ્યાને આવતા તપાસના આદેશ છૂટયા હતા.
સીટી પોલીસ ઇન્સ્પેક્ટર એસ.એમ જાડેજા દ્વારા જન સેવા કેન્દ્રને જલસા કેન્દ્ર બનાવનાર બંને આગેવાનો વિરુદ્ધ જાહેરનામા ભંગનો ગુનો નોંધ્યો હતો.
કોરોના કાળમાં લોકોના દુઃખ ભૂલીને ગોંડલ શહેરમાં જનસેવા કેન્દ્રમાં જન્મદિવસ ની ઉજવણી કરનાર ભાજપના શહેર પ્રમુખ અને મંત્રી વિરુદ્ધ નોંધાયેલ ગુના બાદ સમગ્ર ગુજરાતમાં સારી એવી ચર્ચા જગાડી છે.!
હાલ તો આ મુદ્દો ગુજરાતભરમાં ટોક ઓફ ધ ટાઉન બન્યો છે.
