લાલપુર ની ગુજરી બજારમાં ખરીદી કરવા ગયેલા સણોસરા ગામના એક મહિલાના કાનમાંથી સોનાના વેઢલાની લૂંટ
-
૨૦ થી ૨૫ વર્ષની ઉંમરનો એક શખ્સ કાનમાં પહેરેલું ૯૦,૦૦૦ નું સોનાનું વેઢલું ખેંચીને ભાગી છૂટ્યાની પોલીસ ફરિયાદ
દેશ દેવી ન્યૂઝ જામનગર તા ૪, માર્ચ ૨૫ જામનગર જિલ્લાના લાલપુરમાં ભરાતી ગુજરી બજારમાં ગઈકાલે સાંજે લુંટની એક ઘટના બની છે, અને એક મહિલાના કાનમાંથી રૂપિયા ૯૦,૦૦૦ ની કિંમત ના સોના ના વેઢલાની લૂંટ ચલાવાઇ હોવાનો બનાવ લાલપુર પોલીસ મથકે નોંધાયો છે, અને પોલીસ ટુકડી આરોપીને શોધી રહી છે.
લાલપુર તાલુકાના સણોસરી ગામમાં રહેતા મટુબેન મેરામણભાઇ ખવા નામના ૫૨ વર્ષના પ્રૌઢ મહિલા કે જેઓ ગઈકાલે સાંજે પાંચેક વાગ્યાના અરસામાં લાલપુર માં ભરાતી ગુજરી બજારમાં ખરીદી અર્થે આવ્યા હતા.જે દરમિયાન આશરે ૨૦ થી ૨૫ વર્ષનો એક અજાણ્યો શખ્સ કે જે મટુબેના કાનમાં પહેરેલું રૂપિયા નેવું હજારની કિંમતનું સોનાનું વેઢલું ખેંચી લઈ તેની લુંટ ચલાવીને નાસી છુટ્યો હતો.
જે આરોપી ભાગી છૂટવામાં સફળ થયો હતો, જેથી સમગ્ર મામલો લાલપુર પોલીસ મથકમાં લઈ જવાયો હતો, અને મટુબેન મેરામણભાઇની ફરિયાદના આધારે પોલીસે અજાણ્યા શખ્સ સામે ગુનો નોંધ્યો છે, અને તેની શોધ ખોળ હાથ ધરી છે. આ બનાવમાં મટુબેન ને કાનમાં ઈજા થઈ હોવાથી પ્રાથમિક સારવાર પણ લેવી પડી છે.
