જામનગરમાં રણજીત નગર વિસ્તારમાં માલવાહકમાં લિફ્ટમાં ફસાઈ જવાથી ૧૭ વર્ષીય તરુણ નું મૃત્યુ નીપજતાં ભારે અરેરાટી
દેશ દેવી ન્યૂઝ જામનગર તા ૨૬ એપ્રિલ ૨૪ જામનગરમાં રણજીત નગર પટેલ સમાજ માં એક માલવાહક લિફ્ટમાં કેટરિંગનું કામ કરી રહેલા ૧૭ વર્ષ ના તરુણનું મૃત્યુ નીપજતાં ભારે આરેરાટી ફેલાઈ છે.
આ બનાવની વિગત એવી છે કે જામનગરમાં રણજીત નગર પટેલ સમાજ ના પ્રસંગ દરમિયાન કેટરિંગના વ્યવસાય સાથે સંકળાયેલા કર્મચારીઓ દ્વારા માલવાહક લિફ્ટ માં માલ સામાન પહોંચાડવા માટેની કાર્યવાહી ચાલી રહી હતી જે દરમિયાન કેટરિંગના કર્મચારી તોસિફ અહેમદભાઈ મકવાણા (ઉ.વ.૧૭) કે જે લિફ્ટ માં ફસાયો હતો, અને ગંભીર રીતે ઘાયલ થવાથી તેનું સ્થળ પર જ મૃત્યુ નીપજયું હતું. જેથી ભારે કરૂણ દ્રશ્યો સર્જાયા હતા.
આ બનાવને લઈને કેટરિંગ ના વ્યવસાય સાથે સંકળાયેલા અન્ય કર્મચારીઓ તથા અન્ય લોકોનું ટોળું એકત્ર થઈ ગયું હતું. સમગ્ર બનાવ મામલે પોલીસને જાણ કરાતાં પોલીસ ટુકડી પણ ઘટના સ્થળે દોડી આવી હતી, અને મૃતદેહનો કબજો સંભાળી પોસ્ટ મોર્ટમ સહિતની કાર્યવાહી હાથ ધરી છે. આ બનાવને લઈને મૃતકના પરિવારમાં ભારે માતમ છવાયો છે.
