જામનગરમાં દેવુભા ના ચોક વિસ્તારમાં એક યુવાન પર હુમલો કરી હાથ પગ ભાંગ્યા : ચાર સામે ફરિયાદ
- આરોપી : (૧) કિશન અરવિંદભાઇ ચૌહાણ (૨) અરવિંદભાઇના ભાઇનો દીકરો લાડવો તથા બે અજાણ્યા ઇશમો રહે-બધા-જામનગર
દેશ દેવી ન્યૂઝ જામનગર તા ૮ એપ્રિલ ૨૪ જામનગરમાં દેવુભા ના ચોક વિસ્તારમાં એક યુવાન પર લોખંડના પાઇપ અને ધોકા વડે હુમલો કરી ફ્રેક્ચર સહિત ઇજા પહોંચાડવામાં આવી છે. જે હુમલાના બનાવ અંગે પિતા પુત્ર સહિત ચાર સામે ફરિયાદ નોંધાવાઇ છે.
જામનગરમાં સાધના કોલોની વિસ્તારમાં રહેતા અને મજૂરી કામ કરતા વિશાલ ઉર્ફે બોક્સર રમણીકલાલ પરમાર નામના ૨૬ વર્ષના યુવાન પર દેવુભાના ચોક વિસ્તારમાં કિશન અરવિંદભાઈ ચૌહાણ, અરવિંદભાઈ નો પુત્ર લાડવો અને તેના અન્ય બે સાગરીતોએ લોખંડના પાઇપ અને ધોકા વડે હુમલો કરી હાથ પગમાં ફ્રેક્ચર સહિતની ઈજા પહોંચાડ્યા ની ફરિયાદ પોલીસમાં નોંધાવાઇ છે.ફરિયાદી વિશાલ પરમાર ના કાકા અને આરોપીને આજથી દોઢ વર્ષ પહેલાં ઝઘડો થયો હતો. જેનું મન દુઃખ રાખીને આ હુમલો કરાયાનું પોલીસમાં જાહેર થયું છે.
સીટી એ – ડિવીઝન પોલીસે વિશાલ ઉર્ફે બોક્સર રમણીકલાલ પરમારની ફરીયાદ પરથી ઇ.પી.કો. કલમ-૩૨૫, ૩૨૪, ૩૨૩, ૫૦૪, ૫૦૬ (૨),૧૧૪ તથા જી.પી.એકટ કલમ ૧૩૫ (૧) મુજબ ગુનોં નોંધીઆરોપીઓની શોધખોળ આદરી છે વધુ તપાસ PSI એલ.બી જાડેજા ચલાવી રહ્યા છે.
