જામનગર નજીક ધુંવાવમાં હાઉસિંગ બોર્ડની કોલોની માં રહેતા એક યુવાન પર ડિસમિસ વડે ગળાના ભાગે હુમલો
દેશ દેવી ન્યુઝ જામનગર તા ૮ એપ્રિલ ૨૪ જામનગર નજીક ધુંવાવ હાઉસિંગ બોર્ડ કોલોની માં રહેતા એક યુવાન પર વાહનની સીટ લઈ જવાના મામલે તકરાર કરી ગળામાં ભાગે ડીસમિસ વડે હુમલો કરી દઇ ગંભીર ઇજા પહોંચાડ્યા ની ફરિયાદ પોલીસમાં નોંધાવાતાં ચકચાર જાગી છે.
આ બનાવની વિગત એવી છે કે જામનગર નજીક ધુંવાવમાં હાઉસિંગ બોર્ડ કોલોની માં રહેતા સીદિકશા ચાંદશા શાહમદાર ફકીર (ઉંમર વર્ષ ૩૫) કે જેના ઉપર જામનગરમાં રહેતા મહેશ અશોકભાઈ ચંગેવાડિયા નામના શખ્સે ડિસમિસ વડે ગળા ના ભાગ માં હુમલો કરી ઇજા પહોંચાડ્યાની ફરિયાદ પંચકોશી બી. ડિવિઝન પોલીસ મથકમાં નોંધાવવામાં આવી છે.ઈજાગ્રસ્ત સિદ્દીશા શાહમદાર કે જેની પાસેથી આરોપી મહેશ ચંગેવાડીયા મોપેડ ની સીટ લઈ ગયો હતો. જે ઇજાગ્રસ્ત યુવાને પરત માંગતા આરોપી ઉશ્કેરાયો હતો, અને પોતાની પાસે રહેલી ડિસમિસ વડે ગળામાં ઘા મારી દેતાં ગંભીર ઇજા થઈ છે. અને સારવાર માટે જામનગરની જી.જી. હોસ્પિટલમાં દાખલ કરાયો છે.
આ બનાવ અંગે સિદ્દીક્શાની પત્ની હનિફાબેને હુમલા અંગેની આરોપી મહેશ અશોકભાઈ ચંગેવાડિયા સામે હુમલા અંગેની ફરિયાદ નોંધાવતાં પંચકોશી એ. ડિવિઝનના પીએસઆઇ એ. કે. પટેલે આઇપીસી કલમ ૩૨૬ અને જીપીએકટ કલમ ૧૩૪ મુજબ નો ગુન્હો નોંધ્યો છે, અને હુમલાખોર સઆરોપીની શોધ ખોળ હાથ ધરી છે.
